Украинада теміржол вокзалына шабуыл жасалып, 13 адам қаза тапты
Украинаның Днепр қаласындағы теміржол вокзалына жасалған соққы салдарынан 13 адам қаза тауып, кемінде бес адам жарақат алды.
Облыстық әскери әкімшіліктің мәліметінше, шабуыл кезінде вокзал платформасында жолаушылар болған.
РБК-Украина агенттігінің хабарлауынша, Ресей әскері теміржол вокзалына реактивті ұшқышсыз ұшу аппаратын қолданған. Деректерге сәйкес, соққы вокзал платформаларының біріне тиген. Сол сәтте платформада Днепр – Запорожье бағытымен қатынайтын № 866 электр пойызы тұрған.
Қауіп деңгейі жоғары екені алдын ала жарияланғанына қарамастан, платформада адамдар болған.
Қазіргі уақытта оқиғаның мән-жайы туралы қосымша ақпарат нақтыланып жатыр.