Вице-президент Құрылтайдан кейін тағайындалады
Қазақстанда вице-президент қызметіне кімнің келетінін әзірге ешкім нақты айта алмайды. Бұл туралы Сенат төрағасы Мәулен Әшімбаев мәлімдеді.
Оның айтуынша, аталған шешім толықтай Мемлекет басшысы Қасым-Жомарт Тоқаев құзыретіне жатады.
«Құрылтайдың құрамы толық жасақталғаннан кейін Президент тиісті шешім қабылдайды», - деді Әшімбаев.
Айта кетейік, вице-президент институтын енгізу саяси жүйені жетілдіру аясында қарастырылып жатыр. Сарапшылардың пікірінше, бұл қадам билік тармақтары арасындағы үйлесімділікті арттырып, басқару тиімділігін күшейтуі мүмкін.
Қазіргі таңда Құрылтай құрамын жасақтау жұмыстары жүргізіліп жатыр. Осыдан кейін ғана жаңа лауазымға қатысты нақты шешім қабылданады.