"Йеменге шабуыл жасасаңдар, ұзақ ойланбаймыз": Хуситтер АҚШ-қа ескерту жасады
Хуситтер АҚШ Йеменге қарсы әскери әрекеттерге қатысқан жағдайда, оған тез арада жауап беретінін мәлімдеді.
"Егер АҚШ Йеменге қарсы басқыншылыққа қатысса, біз жауап беру туралы шешімді ұзақ ойланбаймыз. Оның орнына АҚШ-қа және аймақтағы барлық мүдделеріне бағытталған жедел әрі ауыр соққы жасалады", – деді хуситтердің саяси бюросының мүшесі Мұхаммед әл-Бухейти Agence France-Presse ақпарат агенттігіне берген сұхбатында.
Ол сондай-ақ Сауд Арабиясындағы мұнай нысандары мен әуежайлардың қызметкерлеріне ескерту жасады.
"Сауд Арабиясындағы мұнай нысандары мен әуежайлардың барлық қызметкері бұл нысандардан аулақ болуы керек. Өйткені енді олар заңды нысанаға айналды", – деді әл-Бухейти.