Зеленский: Қытай Ресейге қару сатпаймын деді. Көреміз...
Украина президенті Владимир Зеленский Қытай төрағасы Си Цзиньпиннің Ресейге қару бермеуге уәде бергенін айтты, деп жазады DW басылымы.
«Мен Қытай басшысымен телефон арқылы сөйлестім. Ол Ресейге қару сатпайтынын айтты.Көреміз. Егер ол лайықты адам болса, қару сатылмайды. Өйткені ол маған өз уәдесін берді», - деді Зеленский Италиядағы G7 саммиті аясында АҚШ президенті Джо Байденмен өткен баспасөз мәслихатында.
Ал, 22 мамырда Ұлыбританияның қорғаныс министрі Грант Шаппс Қытайды Ресейге өлтіретін қару-жарақ жеткізіп отыр деп айыптады.
«Бүгін бізде Ресей мен Қытайдың Украинада қолданылатын қару-жарақ саласындағы ынтымақтастығы туралы дәлелдер бар екенін айта аламын», - деді Шаппс.
Сондай-ақ Германия мен АҚШ билігі Қытайды Ресей Федерациясымен санкцияларды айналып өту бойынша ынтымақтастықтан аулақ болуды ескертті. Bloomberg агенттігінің хабарлауынша, Бейжің Мәскеуге әскери мақсаттағы геокеңістіктік барлау деректерін, сондай-ақ әскери өнеркәсіпке қажетті микроэлектрониканы, танктер шығаратын машиналар мен зымырандарға арналған отынды береді.