Зеленский Украинаға келген F-16 жойғыш ұшақтарын көрсетті
Владимир Зеленский Украинаға келген F-16 жойғыш ұшақтарын көрсетті, деп хабарлайды Meduza агенттігі.
Жексенбі, 4 тамызда Владимир Зеленский мен украиналық БАҚ америкалық ұшақтарды пайдалануға қабылдау рәсімінен түсірілген кадрларды таратты.
«Біз өз амбициямызды, қорғаныс қажеттілігімізді мүмкін еттік, енді шын мәнінде бізде, біздің аспанымызда, Украинада - F-16 ұшақтары. Біз мұны қамтамасыз еттік», - деді ол.
Салтанатты шара Киев облысындағы Васильков аэродромында түсірілген. Бірақ F-16 ұшақтарының қай жерде орналасатыны белгісіз.
Айта кетейік, бұған дейін Нидерланды Украина қарулы күштеріне алты F-16 жойғыш ұшақтарын берген болатын.