Жалған ақпаратқа қарсы іс-қимыл орталығында шілде айында жиі қолданылған ақпараттық манипуляциялар туралы айтты

Жалған ақпаратқа қарсы іс-қимыл орталығы шілде айындағы жалған ақпараттың таралуына қатысты ең елеулі жағдайларға арналған шолуды (https://t.me/JAQortcomkz/234) жариялады.

Құжатта тек фейктердің мазмұны ғана емес, сонымен қатар сенімсіз ақпараттың әлеуметтік желілер мен мессенджерлерде кең таралуына ықпал еткен тәсілдер де талданған.

Орталықтың бағалауынша, ең жиі қолданылған манипуляциялық әдістердің қатарында ұғымдарды алмастыру, жекелеген фактілерді асыра көрсету, эмоциялық тұрғыдан сезімтал тақырыптарды пайдалану, жалған шұғылдық әсерін қалыптастыру және ақпаратты ресми дереккөздердің растауынсыз жариялау бар.