Жамбыл облысында төтенше жағдай жарияланды: 5 мыңнан астам адам құтқарылды
Жамбыл облысында жергілікті ауқымдағы табиғи төтенше жағдай жарияланды, республикалық маңызы бар жолдар жабылды, деп хабарлайды Zhasalash.kz.
Ауа райының күрт нашарлауына байланысты (температураның күрт төмендеуі, қардың соғуы, көрінудің нашарлауы) 12 желтоқсаннан бастап «Батыс Еуропа – Батыс Қытай» дәлізі бойындағы «Тараз – Алматы» бағыты бойынша республикалық маңызы бар және облыстық маңызы бар жолдар кезең-кезеңімен жабылды.
«Желтоқсанның 13-інен бастап Жамбыл облысының әкімі Ербол Қарашөкеевтің тапсырмасы бойынша арнайы құрылған облыстық жедел штаб жұмыс істеуде», - делінген хабарламада.