Жапония премьер-министрі Фукусима теңіз өнімдерінің қауіпсіздігін дәлелдеу үшін жеді (видео)
Жапония премьер-министрі Фумио Кишида мен бірқатар министрлер Фукусима префектурасының жағалауынан жұртшылық алдында теңіз өнімдерінен дәм татты.
Бұл демонстрациялық ас «Фукусима-1» атом электр станциясының суының мұхитқа төгілуіне байланысты жапон үкіметінің сыны аясында өткізілді.
Жапония үкіметі өткен аптада АЭС-тен тазартылған суды Тынық мұхитына ағызуды мақұлдады. Жапондар оны қатты сынға алды. Елдің сауда министрі премьер-министр су төгетін арнада ұсталған балық, сегізаяқ, теңіз өнімдері мен күріштің дәмін татқанын айтты.
24 тамызда Жапонияның Токио электр энергетикалық компаниясы «Фукусима-1» атом электр станциясының суын тазартып, мұхитқа ағызуды бастады. Бұған жауап ретінде Қытай Жапониядан теңіз өнімдерін импорттауға тыйым салды.
Атом энергиясы жөніндегі халықаралық агенттік АЭС-тің тазартылған суын мұхитқа ағызудың қауіпсіз екенін хабарлады.