Жетісу облысында 261 бала инклюзивті білім алмаса да, мұғалімдерге ақша төленген
Талдықорған қаласының прокуратурасы мүмкіндігі шектеулі балаларды инклюзивті оқыту саласындағы заңдылықтың сақталуына талдау жүргізді.
Прокурорлар стационарлық емделу кезеңінде мүмкіндігі шектеулі 261 баланың инклюзивті білім алмағанын анықтады. Осыған қарамастан мұғалімдерге 2 251 833 теңге төленген.
Қадағалау актісі бойынша бұрын білім алмаған балалар білім беру процесіне қайта қосылып, қажетті білім алды. Сондай-ақ мемлекет кірісіне 2 251 833 теңге өтелді, делінген прокуратура мәлімдемесінде.
Айта кетейік, инклюзивті оқыту — бұл барлық балалар, олардың физикалық, ақыл-ой, мәдени немесе әлеуметтік-экономикалық ерекшеліктеріне қарамастан, сапалы білім алуға тең қол жеткізе алатын білім беру жүйесіндегі тәсіл.