ЖСДП сайлауға қатысудан бас тартты

Дерек көзі: www.azattyq.org - 26.04.20192139

Алматыда «Жалпыұлттық социал демократиялық партиясының съезі өтіп жатыр. Делегаттарының көпшілігі кезектен тыс президент сайлауына бойкот жариялауды ұсынды. Делегаттардың сөзінше, биліктің дегенімен өтетін, қуыршақ кандидаттар қатысатын сайлауға түскеннен партия абырой таппайды.

ЖСДП саяси кеңесі президент сайлауына үміткер ретінде ұсынған белгілі журналист Ермұрат БАПИ өзіне білдірген сенімге ризашылығын білдіріп, саяси додаға қатыспайтынын жеткізді.

«Президент сайлауына қатысудың қажеті бар ма? Сайлауға қатыссам, қуыршақ қана боламын. Көптің біріне айналамын. Мемлекеттік қызметте тәжірибем де жеткіліксіз. Бәрі белгілі ғой. Қиын, әрине. Бірақ съез пікірімен санасамын. Кандидатурамнан бас тартамын. Сенім білдіргендеріңізге рақмет», - деді «ДАТ» жобасының жетекшісі Бапи

Сөйтіп, бойкот жариялауға үш делегат қарсы болып, басым көпшілік қолдады. Партия сиезінің сайлауға бойкот жариялау туралы қарары да оқылды.

Жармахан ТҰЯҚБАЙ басқаратын саяси партия 2011 мен 2015 жылы өткен президенттік сайлауларға да қатыспаған еді.

Кезекті кезектен тыс сайлау 9 маусым күні өтеді. Кандидаттарды тіркеу 11 мамыр күні аяқталады. Қазіргі күнге дейін саяси партиялар мен қоғамдық ұйымдар мына кандидаттарды ұсынды.

Қасым-Жомарт Тоқаев - "Нұр Отан" партиясы, Дания Еспаева - "Ақ жол" партиясы, Жамбыл Ахметбеков - Қазақстан халықтық коммунистік партиясы, Төлеутай Рақымбеков - "Ауыл" партиясы, Амангелді Таспихов - Қазақстан кәсіподақтар федерациясы және Сәдібек Түгел - "Ұлы дала қырандары" республикалық қозғалысы

Фотолар автордікі.

Мақала авторы:

www.azattyq.org

Пікір қалдыру

Пікір жазу үшін сайтқа кіріп, телефон нөмірін растаңыз.