Ондаған сауда орталықтары мен базар басшылары сотқа шақырту алды

Дерек көзі: www.azattyq.org - 29.05.2018106

Ішкі істер министрлігіне қарасты Төтенше жағдайлар комитеті қауіпсіздік ережелеріне ат үсті қараған ел аумағындағы бірқатар ірі сауда орталықтары мен базар нысандарын сотқа берді. Бұл туралы zhasalash.kz сайтының тілшісі хабарлайды. Атап айтар болсақ, «Арзан»,  «Домиллион»,  Алматы кілем,  Фэшн Ритейл, «Азия Парк» (Прайм плаза), «Мамыр», «Москва», «Орбита», «Строймарт», «Есентай Молл», Аман авто, «Рахат»,  «Юпитер», «Барыс»,  «Олжа», «Белес», «Максима», «Туркестан», «Жібек Жолы» «ГУМ» секілді сауда ойын-сауық орталықтары мен «Зеленый базар», «Алма», «Мега Тау», «Барлык сауда» базарлары бар. Алматы облысындағы ИП Смағұлов орталық әмбебап базары да осындай қараз тізімде тұр. Ал Астана қаласында «Аружан» сауда ойын-сауық орталығы, «Жастар», «Автогранд» сауда үйлері мен «Ұлжан»,  «Совл», «Сарыарқа» және «EURASIAN TRADING GROUP» базары секілді 9 бірдей  сауда нысанының иелері сотқа шақырту алыпты. Айтпақшы, бұл тізімде Қарағанды қаласындағы  «Сатурн» магазині де бар. Төтенше жағдайлар комитетінің мәліметінше, бұл сауда нысандарына өрт қауіпсіздігіне салғырт қарағаны яғни қауіпсіздік ережелерін сақтамағаны үшін құзырлы органдар тарапынан әкімшілік құқықбұзушылық туралы іс қозғалып, анықталған кемшіліктерді  жою туралы нұсқау берілген екен. Алайда, екінші мәрте тексеру барысында аталмыш нысандарда жүргізілген тексеру кезінде өрт қауіпсіздігі жөнінде анықталған кемшіліктердің әлі ретке келтірілмегені анықталып отыр. Аталған сауда нысандары иелеріне Әкімшілік құқық бұзушылық туралы Кодекстің 462-бабының 3-бөлігі бойынша заңды тұлғалардың санатына қарай 100-ден 500 АЕК мөлшерінде айыппұл салынып ісі сотқа жолданған нысандардың жұмысы  3 айға дейін тоқтатылуы мүмкін. Естеріңізде болса, Ішкі істер органдары сәуір айының басында өрт қауіпсіздігіне қатысты ауқымды тексеру жұмыстарын жүргізген болатын. Айға жуық уақытқа созылған тексерулер барысында еліміздегі ойын-сауық және ірі сауда орталықтарының қожайындары сан түрлі амал жасап клиент тартып ақша табу жақсы білгенімен өрт қауіпсіздігіне өте салғырт қарайтыны анықталды. Тексеру барысында ел аумағындағы 972 нысанның тек 11-нің ғана өрт қауіпсіздігі талаптарына сай келетіні анықталған. 12 мыңға жуық (әр нысаннан шамамен 2-ден 20-ға дейін) ереже бұзушылықтар анықталып, үлкен көлемде айыппұлдар салынып, кемшіліктерді жою туралы нұсқаулар берілген болатын.

Фото: restolife.kz

МАТЕРИАЛДЫ РЕДАКЦИЯНЫҢ РҰҚСАТЫНСЫЗ КӨШІРІП БАСУҒА БОЛМАЙДЫ. 

Мақала авторы:

www.azattyq.org

Пікір қалдыру

Пікір жазу үшін сайтқа кіріп, телефон нөмірін растаңыз.