Баландин Токио олимпиадасына қатысады

Дерек көзі: www.azattyq.org - 29.04.20191109

2020 жылғы Токио қаласында өтетін олимпиада жақындаған сайын оған қатысу құқығын иеленген, нормативтерін сәтті орындаған спортшылардың аты жиі атала бастайтыны сөзсіз. Кез келген спортшы өз саласы бойынша олимпиадаға қатысуды мақсат тұтады. Ал, қалғаны соған баспалдақ іспеттес. Осыны ескерсек, олимпиадаға жолдама алу тек жарысқа қатысып, орын алып (яки құлап) қайту емес, ол мүлде жаңа деңгейдегі дайындық кезеңіне өту. Қазақстандық тағы бір спортшы енді осындай, ерекше дайындыққа кіріседі. Дмитри Баландин!

Баландин – олимпиада чемпионы. Енді осыдан бұрынғы олимпиада көрсеткен жетістігін қайталай ала ма, жоқ па, оны уақыт көрсетеді, дегенмен, қазіргі аяқ алысы бар, сол кездегі жұртты таңғалдырған жеңісі бар, келер олимпиададағы бәсі жоғары фавориттің бірі Дмитрий болары сөзсіз. Бұл жауапкершілікті Баландиннің өзі де жақсы сезінуге тиіс.

Сонымен, олимпиадаға қатысу құқығын беретін нормативті Баландин Халықаралық су спорты түрлері федерациясы (FINA) ұйымдастырған турнирде орындады. Жүзгіш спортшы бұл жарыста қола медальді қанағат тұтты. Оған олимпиадаға жолдама әперген де осы қола медаль.

Халықаралық су спорты түрлері федерациясы өткізген Champions Swim Series турнирінің бірінші кезеңі Гуанчжоуда өтті. Федерация бірінші рет өткізіп отырған су жаңа турнирде Баландин екі бірдей қола медаль иеленді. Алғашқысы брасс әдісімен жүзетін 200 метрлік сайыста белгіленген межені 2 минут 09 минут 37 секундта жүзіп өтті. Бұл көрсеткіш - нормативтен бір минуттай жылдам орындалған жаттығу (талапқа сәйкес А нормативінің көрсеткіші 2:10:35 болуы керек). Ал, екінші қола медальді 4 адамдық командамен 100 мелрлік эвтафетаға қатысып, жеңіп алды.

Брасс әдісі бойынша Баландиннің негізгі қарсыласы болған ресейлік Антон Чупков 2:07:48 уақыттық көрсеткішпен топ жарды. Бұл Чупков 2020 жылы да біздің спортшының басты бәсекелесі болады. Айта кету керек, Чупков 2016 жылғы олимпиадада қола медаль иеленген болатын. Жаңа турнирдің күміс медалі – қытайлық Цин Хайяньға бұйырды. Ол берілген қашықтықты 2:08:31 уақытта жүзіп өтті. Ал, үшінші көрсеткіш жапониялық спортшы Иппей Ватанабэнің еншісінде. Қола медальдің біреуін алған бұл спортшы 2:09:33 уақытымен, Баландиннің алдын сәл ғана орап кетті.

Баландин жүзу спорты бойынша Қазақстандағы орны ерекше. Оның брасс әдісі бойынша 200 метрлік қашықтықта 2016 жылғы Олимпиададағы алтын медалі Қазақстанның спорт тарихындағы, оның ішінде су спорты түрлерінен алғын тұңғыш медаль. 1995 жылы туған Дмитрий Баландин Азия ойындарының үш дүркін жеңімпазы, 2015 жылғы Универсиаданың жеңімпазы, брасс әдісімен 50, 100, 200 мтерлік қашықтықта Қазақстанның рекордшысы.

Фото: sputniknews.kz

Мақала авторы:

www.azattyq.org

Пікір қалдыру

Пікір жазу үшін сайтқа кіріп, телефон нөмірін растаңыз.