Қарағанды облысы Өзбекстанға сиыр етін экспорттауда

Арай Сатыбалдықызы - 23.06.2019848

Биылғы жылы Қарағанды облысы Өзбекстан еліне мал шаруашылығы өнімін экспорттау мөлшерін ұлғайтатын болады. Жергілікті "Жәке" шаруа  қожалығы Өзбекстанға 28 мың бұқа жеткізу жөнінде келісім шарт жасаған. Қазірдің өзінде аталмыш шаруа қожалығы көрші елге бірінші партиямен мың бас малды жөнелтіп үлгеріпті.Бір айта кететін жайт тапсырыс берушілердің қойып отырған бірден бір талабы ол өздеріне жеткізілген бұқаның әр салмағы 400 келіден кем болмауы қажет. Аймақ басшысы Өзбекстанды  сиыр етімен қамтамасыз етіп отырған "Жәке"шаруа қожалығына барып жұмыстарын бағдарлап қайтты.Шаруа қожалығының мал бордақылау алаңы 2016 жылы Бұхар Жырау ауданының Үштөбе ауылында іске қосылған болатын.20 гектар жерге мал қоралары мен басқа да өндірістік үйлермен қора жайлар салынған. Осы аумақта үш жыл бойы асыл тұқымды бұқалар өсіріліп келеді. Мал бордақылау алаңы он мың бас ірі қараға арналып жасақталған. Алайда қазір мұнда әзірге бес мыңнан астам бұқалар тұр.Бұл шаруа қожалық  Американдық технологиямен жұмыс жасайды.Ірі қараға арналған жемдерді салу жұмыстары механикаландырылған, ал суарғыш автоматты түрде жұмыс жасайды.Облыс әкімі Ерлан ҚОШАНОВҚА кәсіпорынның басшылығы алдағы жұмыс жоспарларымен бөлісті.

-Бізде қазіргі уақытта мал бордақылау алаңында бес мың екі жүз бас бұқалар тұр. Сондай-ақ асыл тұқымды өгіздерді жалға беру жұмыстарыда қарастырылып жатыр. Ангус, герифорд, тұқымды және біздің ақбас бұқаларымыз бар. Өзбекстанға екі мың тонна ет экспорттаған болатынбыз, -деп мәлімдеді "Жәке"шаруа қожалығының бастығы Айдын АЛБАҚАЙ.

Бүгінде «Сыбаға»  бағдарламасы бойынша асыл тұқымды малдардың генетикасын жақсарту жұмыстары қолға алынған. Бұл мақсатты жүзеге асыру үшін «Жәке» шаруа қожалығы жергілікті фермерлермен бірлесіп жұмыс жасауға кіріскен. Бұл ауыл шаруашылық өнімін өндіруде жетістікке жеткізуге алып келеді дейді шаруа қожалық басшылығы.

Биылғы жылы шаруа қожалық Ресейден бес мың ал Польшадан екі мың ірі қара малын сатып алуды көздеп отыр.Кәсіпорын ауыл шаруашылық өнімдерін елдің ішкі нарығымен қоса шетелдерге де сатады. Шаруа қожалығының өнімдері Өзбекстанмен қоса Иранға да шығарылады.

-Етті қайта өңдеуді дамыту біз үшін өте маңызды. Өңірге ет өңдеу комбинаты керек. Сондықтан мүмкіндіктерді пайдалану қажет. Қазіргі уақытта "қарапайым заттардың экономикасы" деген жаңа бағдарлама пайда болды.Мұнда мемлекеттік тұрғыда қолдау көрсету әдістері қарастырылған,-деп атап өтті облыс әкімі Ерлан Қошанов.

Шаруа қожалықтың  жем шөп базасын жасақтау мақсатында биылғы жылы 2 500 гектар жерге астық себілген.

-Бұл шаруа қожалық облыстағы ет ауыл шаруашылығы өнімдерін өндіру бойынша жақсы көрсеткіштерге ие болып келеді. Биылғы жылы да ауыл шаруашылық министрлігі тарапынан қойылған барлық индикаторлар бойынша жоспарды толық орындаймыз деген ойдамыз,-деді Бұхар Жырау ауданы әкімінің орынбасары Арман ДАРДАҚОВ.

Бүгінде Қазақстанда  етті мал шаруашылығын дамыту аграрлық саланың басым бағыттарының  бірі болып табылады. Осы орайда еңбек өнімділігімен қайта өңделген ауыл шаруашылығы өнімдерін экспорттауды 2,5 есе арттыру жоспары мақсат етілуде.

Фото: brestmeat.by


Мақала авторы:

Арай Сатыбалдықызы

Пікір қалдыру

Пікір жазу үшін сайтқа кіріп, телефон нөмірін растаңыз.