Алакөлге канализация суы құйылып жатқаны рас па? (видео)

Алмас Нүсіп - 02.08.20191026

Алматы облысына қарасты Ақши ауылы тұсындағы Алакөл лайланып жатыр. Бұл туралы facebook.com әлеуметтік желісінде Бауыржан ОМАРОВ есімді азамат жазды.  

«Бірде шетелдік азаматтық сөзін құлағым шалған еді. Сендерге туризсді дамытуды қажеті қанша? Бұндай табиғат әлемде жоқ! Инфрақұрлымның дамуы табиғаттың жойылуына әкеп соғады деген еді. Өкінішке қарай мен бұл сөбен келісемін. Кішкентай пансионаттың қасына үлкен отель салды. Сол Алакөл суын ластап жатыр», - деп жазып, видеосында жариялады facebook.com қолданушысы Бауыржан Омаров.

Ресми мәліметтерге сүйенсек, былтыр 2018 жылы Алакөл жағалауындағы Ақши мен Көктұма демалыс аймақтарында 1 млн 17 мың адам демалған. 2017 жылы облыс басшысы Амандық БАТАЛОВ көл жағасының инфрақұрлымды дамытуға жергілікті бюджеттен 2,6 млрд теңге бөлгенін мәлімдеген еді.

2018 жылы Алматы облысына арнайы сапармен келген экс-президент Нұрсұлтан НАЗАРБАЕВ «Алакөл Қазақстан бойынша ең көп демалушылар келетін орынға айналуы тиіс» деп тапсырма берген.

Qaznet-те Алакөлге канализация суы құйылып жатыр деген де ақпараттар тарай бастады. Алайда, Алакөл ауданы басшылығы бұл ақпаратты жоққа шығарады.

«Бұл - көлдің таза суы. Алакөлдің суын бассейнге пайдаланып, қайтадан өзіне құяды. Оған химикат қосылмайды. Суды шамамен жетісіне бір рет ауыстырады. Демалыс үйінің артында канализация суы құйылатын мың текше метрлік септик тұрғанын көрдік. Қазір санитарлық эпидемиологиялық станция мамандары суды тексереді. Қорытындысы жайлы тағы ақпарат береміз. Ластанғаны анықталса, жаптырып, септик жасаттырамыз», - деген Алакөл ауданы әкімінің орынбасары Айдын ШАЛКЕНОВ Азаттық радиосының тілшісіне.

Фото: azattyq.org



Мақала авторы:

Алмас Нүсіп

Пікір қалдыру

Пікір жазу үшін сайтқа кіріп, телефон нөмірін растаңыз.