Батыс пен шығыстың Байғазинді мойындауы

Дерек көзі: www.azattyq.org - 28.10.2018163

27 қазанда қазақстандық режиссер Эмир Байғазин Токио кинофестивелінде  «Өзен» фильмінің азиялық тұсаукесерін өткізді.  «Роппонги Хиллз» үлкен залында кинотуынды тамашалаған жапон көрермендері  мен фестивальді ұйымдастырушылар - Эмир Байғазин – ерекше көркем сезімталдығымен ерекшеленетін кино өнерінің жаңа бағытын көрсете білген жас режиссер, - деп бағалады. Бұл фестивальге биыл әлемнің 109 елінен 1829 өтінім келіп түскен. Фестивальдің негізгі байқауына қазақстандық режиссер Эмир Байғазиннің «Өзен» фильмімен қатар 16 фильм іріктеліп алынған. Айта кетерлігі,  «Өзен» фильмі – Аслан туралы трилогияның соңғы бөлімі.  Бұл фильмінің әлемдік тұсаукесері жақында ғана Венеция кинофестивалі шеңберінде өттіп, онда  «Көкжиектер» бағдарламасында Эмир Байғазин үздік режиссер атанған еді.  Үздік  кинематографист қатарына қосылған Эмир Байғазин алдағы жылдың 2-23 қаңтары аралығында семинарлар курсын, танымал режиссерлердің шеберлік дәрістерін тыңдау үшін Лос-Анжелес қаласына аттанады. Жүлдегерлер Film Independent ұйымдастырған іс-шараларға, сондай-ақ 76-шы жыл сайынғы «Алтын глобус» салтанатына қатысады.

Мақала авторы:

www.azattyq.org

Пікір қалдыру

Пікір жазу үшін сайтқа кіріп, телефон нөмірін растаңыз.