Қырғызстанның бұрынғы бас прокуроры Джолдубаева үйқамаққа алынды

Дерек көзі: www.azattyq.org - 22.08.20191177

Қырғызстанның бұрынғы бас прокуроры Индира Джолдубаева жемқорлық күдігімен үйқамаққа алынды. Ол «қылмыстық топты басқарған Азиз Батукаевты қамаудан заңсыз босату ісі» бойынша күдікке ілінген.

Индира Джолдубаева 2015 жылдың қаңтарынан 2018 жылдың сәуіріне дейін Қырғызстанның бас прокуроры болған. Ал 2011 жылдан 2015 жылдың қаңтарына дейін президент аппаратының сот реформасы бөлімін басқарған.

2013 жылы 9 сәуірде Нарын қалалық соты Азиз Батукаевты қамаудан босатқан. Сот дәрігерлердің «Батукаев айықпас дертке шалдыққан» деген анықтамасына сүйеніп, оны босатқан. Түрмеден шыққан Батукаев Қырғызстаннан шетелге кетіп қалған. Кейін оның ешқандай дертке шалдықпағаны анықталған. Осыдан кейін Қырғызстанда тергеу басталып, бұрынғы денсаулық сақтау министрі Динара Сагынбаева, Нарын облысы прокурорының бұрынғы орынбасары Майрамбек Акматалиев, бұрынғы экс-премьер-министр Шамиль Атаханов, бұрынғы бас прокурор Аида Салянова үйқамаққа алынған. Қорғаныс кеңесінің экс-хатшысы Бусурманкул Табалдиевке іздеу жарияланған.

Қазір қамауда отырған елдің экс-президенті Алмазбек Атамбаевқа да Батукаевты заңсыз босату ісі бойынша айып тағылған.

Мақала авторы:

www.azattyq.org

Пікір қалдыру

Пікір жазу үшін сайтқа кіріп, телефон нөмірін растаңыз.