Ақтөбеліктер газ іздеп тентіреп жүр

Жанар Қожанова - 29.08.20191688


Ақтөбеде сұйытылған газ таптырмай барады. Қаладағы қырыққа жуық жеке газ құю бекеттерінің көпшілігінде бір аптадан бері сұйытылған газ жоқ. Еесіне, жазу бар. Онда «газ жоқ» деген екі ауыз сөз ғана жазылған. Ал тек талонмен ғана сататын бекеттерде жүргізушілер ұзын сонар кезекке тұруға мәжбүр.

Жауапты мамандар Ақтөбедегі газ тапшылығын уақытша мәжбүрлікке санайды. Сөздерінше, жағдай қыркүйектен бастап реттеледі.Ал газдың тапшы болуына айдың бітуі себеп екен. Себебі тиісті министрліктен тамыз айына бөлінген газдың нормасы қазір орындалған.Осыдан соң жағдай қыркүйекте тұрақталады. Мамандардың және бір сөзінше, бензинді қымбатсынып газға көшкен көліктің көбеюінен де газ жетпей жатыр.   

Былтыр осы уақыта облысқа 12 мың тонна газ бөлінсе, биыл тек 10 тоннаға жуық сұйық газ бөлінді. Оған қоса, қалада газбен жүретін көлік те, газ құю бекеттері де көбейіп жатыр. Бәріне бірдей жеткізу қиынға соғып тұр. Сондықтан, тапшы  болып жатыр, – дейді  Ақтөбе облыстық сұйытылған газ тасымалдаушылар ассоциациясының төрайымы Алтынай МҰҚАНОВА.

Бір қызығы, «Жас Алаштың» өңірдегі тілшісіне пікір білдірген жергілікті тұрғындар «жауапты мамандардың мұндай уәжі күлкілі» дейді. Мәселен, Батырхан есімді көлік жүргізушісінің айтуынша, газды тапшы болуы бағаны өсіру үшін қолдан жасалған амал.

–Бір апта болды, газ бекетін айналып жүрміз. Қазір шығарса, қандай бағаға болсын аламыз. Жұртты әдейі соған дайындап жатыр, –дейді ол.

Ал Дәурен есімді тұрғын «облысқа қанша газ қажеттігін болжай алмаса, онда ондай шенділер несіне отыр?» дейді.  

Сонымен, тиісті шенділердің сөзінше, Ақтөбедегі сұйытылған газ тапшылығының басты себебі – министрліктен бекітілетін лимитте болып тұр. Бір айға облыс бойынша 9 900 тонна әлеуметтік, 954 тонна биржалық  газ бөлінеді екен. Ал бұл – ақтөбеліктерге аз.  Өйткені жеңіл көліктерден басқа  шаруа қожалықтарының арнайы техникалары, одан басқа газ құйып алып кететін транзиттік көліктерде бар. Осыдан кеп  газ тапшы екен. Алайда, жоғарыда айтқанымыздай, бізбен тілдескен тілшілер мұндай уәжге сенбейді.

 

 

Мақала авторы:

Жанар Қожанова

Пікір қалдыру

Пікір жазу үшін сайтқа кіріп, телефон нөмірін растаңыз.

Ұқсас жаңалықтар