Моңғол жазушысы: Жұмаділов тарихты дұрыс оқымаған

Бағашар Тұрсынбайұлы - 05.09.20196365

Бүгін Азия форуымының форсайт күні жазушы Қабдеш ЖҰМАДІЛОВ Шыңғыс ханды "түркі" деп моңғол жазушысы Гун АЮРЗАНАНЫҢ қытығына тиген еді. Сол жөнінде «Жас АЛАШ» тілшісі Аюрзананың  пікірін сұрады. Моңғолиялық мейманның қасында ақын Сұраған РАХМЕТҰЛЫ отыр екен. Гун мырза орыс тілінде жауап берді.

«Ол кәрі адам (Қабдеш Жұмаділов - авт). Тарихты дұрыс оқымаған. Білмейді. Мен не деймін оған?! Шыңғыс хан туралы айтқаны ашуыма тигені рас. Бірақ оған қазір мен пікір білдірсем, оның білместіктен айтқан сөзін жүрегіме жақын алған боп қаламын. Оның маған керегі жоқ. Тақырыпты осы жерден жаба салайық», - деп қысқа қайырды Гун Аюрзана.

Оқи отырыңыздар: Моңғол жазушысы Қабдеш Жұмаділовке ортаңғы саусағын шошайтты

Естеріңізге сала кетейік, 2019 жылдың 5 қыркүйек күні Азия қаламгерлері форумының екінші күні мінбеге Қазақстан халық жазушысы Қабдеш Жұмаділов көтерілген еді. Жазушыға  өз шеберханасы жайлы айту үшін сөз берілген. Алайда, қазақ қаламгері Шыңғыс хан тақырыбына ойысып кетті.

«Бір өтірік мың өтірікті туғызады. Өтірікті арқалап жүріп, қалай шыдаймыз. Қаламымызды шыңдайтын күш - шындық. Бұл бәрімізге ортақ нәрсе. Бәріңіз шындықты айту үшін қалам ұстап жүрсіздер. Бүкіл Азияны жайлаған, Еуропаны билеген Шыңысханды моңғол демейік. Кейінгі ұрпаққа тарихты таза күйінде өткізейік. Бұрынғы империялық саясаттың кемшілігін түзейік. Осы шындықты қалыптастыруға көмектесейік. Біздің қазақтың сөзін біреу тыңдаса, біреу тыңдамайды. Қазір түріктерден қауіптенетін ештеңе жоқ. Қазір біз өз бабамызды қайтарып алуымыз керек. Оның ұрпақтары, төрелер бәрі Қазақстанда. Осы күнге дейін Шыңғыс ханды иемденіп келген моңғолдарға рақмет», - деген еді Қабдеш Жұмаділов.

Оқи отырыңыздар: Қазақстанда үзбей жазып жүрген жалғыз жазушы - Назарбаевтың құдасы

Бірақ, жазушының бұл сөзі моңғолдарға мүлде ұнамағаны білінді. Тіпті, осы сөзді естіп отырған моңғол жазушысы Гун Аюрзана орнынан тұрды да, жазушыға ортаңғы саусағын шошайтып, шығып кеткен.

Коллаж: zhasalash.kz

Мақала авторы:

Бағашар Тұрсынбайұлы

Пікір қалдыру

Пікір жазу үшін сайтқа кіріп, телефон нөмірін растаңыз.