«Шамалғанға әкім Баталов келсін» (видео)

Алмас Нүсіп - 15.09.20193502

Шамалған станциясындағы теміржол өткеліне аспалы көпір салу керек еді. Сол кезде бұндай қайғылы оқиға болмас еді. Шамалған станциясының халқы осылай талап білдіруде.

15 қыркүйек кешкі сағат 19-00 де Алматы облысы Ақсеңгір-Шамалған теміржол өткелінде пойыз автобусты соғып өтті. Автобус жүргізушісі қайтыс болды.

«Бүгінгі қайғылы өлімге аспалы көпірдің жоқтығы себеп. 20 жылдан асты осы проблеманы айтып жүрміз. Жыл сайын осы жерде адамдар өледі. Шамалған Алматының іргесінде. Бұл жерде халық тығыз орналасқан. Үнемі кептеліс. Жол ережесін бұзатын жүргізушілер де болады. Қауіпсіздікті сақтау үшін неге аспалы көпір салмайды екен? Теледидардан Қазақстан дамып кетті деп жатады ғой. Бір көпір салуға ақша бар шығар», - дейді «Жас АЛАШ» тілшісіне телефон арқылы Шамалған станциясының тұрғыны Берік САПАРҰЛЫ.

Апат болған жерге жиналған халық Алматы облысы әкімі Амандық БАТАЛОВТЫҢ келуін талап етіп жатыр.

Фото ғаламтордан алынды.


Мақала авторы:

Алмас Нүсіп

Пікір қалдыру

Пікір жазу үшін сайтқа кіріп, телефон нөмірін растаңыз.