Ниязымбетов Бекзаттың жеңісі мен Левиттің «жеңілісі» жайлы пікір білдірді

Асмира Ермекқызы - 22.09.20195236

Қазақстан ұлттық құрамасының экс-капитаны, олимпиада ойындарының екі дүркін күміс жүлдегері Әділбек НИЯЗЫМБЕТОВ 81 келідегі өзінің ізбасары Бекзат НҰРДӘУЛЕТОВТЫҢ жеңісіне қатысты пікір білдірді.

Кеше 21 қыркүйек күні Ресейдің Екатеринбург қаласында Бекзат Нұрдәулетов әлем чемпионы атанған еді.

«Бекзат әлем біріншілігінің лайықты чемпионы атанды. Менімше оның жеңімпаз болуына жартылай финалдағы Хулио Ла КРУСТЫ жеңіп кетуі үлкен роль атқарды», - деді Ниязмбетов sports.kz сайтына берген сұхбатында.

Кубалық Хулио Ла Крус әлемнің төрт дүркін жеңімпазы, Рио олимпиадасының чемпионы. Әділбек Ниязымбетовтың екі әлем және олимпиада ойындарының финалында алтыннан айырған еді.

«Біздің боксшылар әлем чемпионатының алдында кубалықтармен біріккен оқу-жаттығу жиынын өткізді. Сол жерде Бекзат қарсыласын зерттеді. Бапкерлер дұрыс тактика құрып берді. Бекзат соны дұрыс орындап шықты. Ал финалдағы жекпе-жекте соңына дейін айқасты», - деді экс-капитан.

Сондай-ақ, Әділбек Ниязымбетов жартылай финалдағы Василий ЛЕВИТТІҢ жекпе-жегі жайлы пікірін де білдірді.

«Менімше Вася эквадорлық боксшыдан жеңілген жоқ. Өздеріңіз білесіздер онда саясат бар ғой», - деп қысқа қайырды Ниязымбетов.

Фото: alashainasy.kz



Мақала авторы:

Асмира Ермекқызы

Пікір қалдыру

Пікір жазу үшін сайтқа кіріп, телефон нөмірін растаңыз.