«Арманым – Олимпиада алтыны»

Асмира Ермекқызы - 23.09.20191132

Ресейдің Екатеринбург қаласында әлем чемпионы атанған Бекзат НҰРДӘУЛЕТОВ алдағы жоспарларымен бөлісті.

«Финал оңай болған жоқ. Бапкерлердің таңдап берген тактикасымен барлығы ойдағыдай болды. Жұлдыз ауруына шалдығу деген болмайды. Лицензиялық турнирге дайындаламыз. Сосын Олимпиада. Алтын медаль үшін барымызды саламыз», - деді чемпион sports.kz  сайтына берген сұхбатында.

Бекзат финалға дейінгі бес жекпе-жектің төртеуінде қарсыластарын нокдаунға жіберді.

«Арманым олимпиада алтын жүлдесі. Оны ұтсақ кәсіпқой боксқа кетуді ойланамыз», - деді Бекзат Нұрдәулетов.

Жиырмасыншы әлем чемпионатында қазақ боксшылары бір алтын, бір күміc және төрт қола медаль иеленді. Аса ауыр салмақтағы Қамшыбек ҚОҢҚАБАЕВ күміс медаль иеленсе, Сәкен БИБОСЫНОВ, Абылайхан ЖҮСІПОВ, Тұрсынбай ҚҰЛАХМЕТ, Василий ЛЕВИТ қола жүлдегер атанды. 

Фото: yandex.kz


Мақала авторы:

Асмира Ермекқызы

Пікір қалдыру

Пікір жазу үшін сайтқа кіріп, телефон нөмірін растаңыз.