Назарбаевқа берілген атақ Бердімұхамедовке 5 жылдан кейін бұйырды

Бағашар Тұрсынбайұлы - 27.09.20192166

Түркіменстан президенті Гурбангулы Бердімұхамедов бұдан былай «елдің құрметті ақсақалы» («Hormatly il ýaşulusy»). Оған бұл атақты Түркіменстанның Халық мәслихаты мен Мәжілісі «халықтың табанды өтінішінен» кейін берді.

62 жастағы Г. Бердімұхамедовке бұл атақты беру қаулысын мәжіліс төрайымы Гүлшат Маммедова оқып, «құрметті ақсақал» атағы «отан алдындағы жасампаз, адал және жанкешті еңбегі үшін» берілетінін мәлімдеген. Төрайымның сөзінше, «құрметті ақсақал» атағын беруді ел азаматтары мен қоғамдық ұйым өкілдері мәжілістен өтінген тіпті талап еткен. Түркіменстан ақпарат агенттіктерінің хабарлауынша, бұған дейін жиырмадан астам медал мен орден тағынған Г.Бердімұхамедов «құрметті ақсақалға» айналған сәтте залдағылардың бәрі орындарынан тік тұрып, ұзақ уақыт бойы қол шапалақтаған.

Кеудесіне жаңа ордан тағынған Гурбангулы Бердімұхамедов қуатты мемлекет Түркіменстанның әлемдік аренадағы айрықша орнын айтып өткен.

–Біз әлі де әлем дамуына айрықша үлесімізді қосамыз. Егер достық пен бірлікте алға жүре берсек, кез келген биікті бағындырамыз,– депті «құрметті ақсақал».

2014 жылы дәл осы «құрметті ақсақал» атағы Ашгабатқа ресми сапармен барған Қазақстан президенті Н.Назарбаевқа да берілген еді.  


ФОТО: turkmenistan.gov.tm


ФОТО: turkmenistan.gov.tm

Мақала авторы:

Бағашар Тұрсынбайұлы

Пікір қалдыру

Пікір жазу үшін сайтқа кіріп, телефон нөмірін растаңыз.

Ұқсас жаңалықтар