Алматыда «Жас қалам» жастар шығармашылық бірлестігі құрылды

Думан Бақыткелді - 11.10.2019671

ҚР Ұлттық кітапханасының Н.Дәулетова атындағы залында кітапхананың жанынан құрылған «Жас қалам» жастар шығармашылық бірлестігінің салтанатты түрде ашылу рәсімі және оның төрағасы ақын, Қазақстан Жазушылар одағының мүшесі Мұратқан Шоқанмен кездесу өтті.

Кездесуді ҚР Ұлттық кітапханасының ғылыми хатшысы Жүнісбеков Болат Жүнісбекұлы ашып, «Жас қалам» жастар шығамашылық бірлестігінің үйлестірушісі  – Орманбеков Таңжарық Нұрмұханұлын таныстырды және сөз кезегін модератор, «Жас қалам» жастар шығармашылық бірлестігінің төрағасы, ақын – Мұратхан Шоқанға берді.       

                       

Сонымен қатар «Жас қалам» жастар шығамашылық бірлестігі төрағасының орынбасары, филология ғылымдарының докторы, профессор, Ресей жаратылыстану академиясының академигі – Гаухар Балтабаева мен Қайнар университеті «Журналистика және тілдер» кафедрасының меңгерушісі, профессор Гүлнар Мұхаметқалиева клубтың ашылуымен құттықтап, оның жұмысына сәттілік тіледі.

Әдеби әлеммен тыныстап болашақ ақын-жазушы болғысы келетін студенттер үшін «Жас қалам» клубы секілді әдеби орта жас қаламгерлердің  шығармашылық қуатын шыңдауға, өсіп-жетілуге өз әсерін тигізетін белгілі. Олар ұйым мүшелерінің жоспарымен танысып өз ұсыныстарын ортаға салды. Ақын әрі бірлестіктің төрағасы Мұратхан Шоқанға әдеби үрдіс жайлы, ақынның шығармашылығы жайлы өздерін қызықтырған сұрақтарға жауап берді.

Сонымен қатар, ҚР Ұлттық кітапханасында «Жастар жылы» аясында Алматы қаласының жас дарынды суретшілерінің туындылары қойылған көрменің ашылу салтанаты өтті.   Көрмеге Т.Қ.Жүргенов атындағы Қазақ Ұлттық өнер академиясының «Кескіндеме, мүсін және дизайн» факультеті студенттерінің туындылары қойылды.        

Көрмедегі көп көрерменнің көңілінен шыққан туындының авторы жас суретші Қабыл Аян:

«Қазіргі кезде түрлі әлеуметтік желінің дамуына байланысты, сурет өнерінің әсіресе пейзаж, портрет картиналардың тарихи естелік ретіндегі рөлі төмендеп сұраныс азайғаны белгілі. Алайда табиғи, қолмен, ой қуатымен еңбектене салынған туындылар өлмейді, қашан да өз иесін тауып жатады», - дейді.

Көркемсурет пен кескінделген мүсін өнерінің көрмесі қала тұрғындары мен қонақтарына және кітапхана оқырмандары үшін қазан айының 18-не дейін жалғасады.

Фотоларды "Жас қалам" бірлестігі ұсынды

Мақала авторы:

Думан Бақыткелді

Пікір қалдыру

Пікір жазу үшін сайтқа кіріп, телефон нөмірін растаңыз.