ҰҚК қызметкеріне пара бермек болған Қытай азаматтары ұсталды

Есдәулет Қызырбекұлы - 28.11.20193095

Атырау облысында Ұлттық қауіпсіздік комитетінің қызметкерлеріне пара бермек болған Қытай азаматтары ұсталды. Бұл жөнінде ҰҚК баспасөз қызметі хабарлады.

«2019 жылдың 19-шы қарашасында Ұлттық қауіпсіздік қызметінің Атырау облыстық департаменті Атырау қаласының мамандандырылған тереу сотының санкциясымен ҰҚК қызметкеріне 2 миллион теңге пара беру барысында екі Қытай азаматы ұстап, тергеу изоляторына қамады», - делінген ведомства таратқан мәлімдемеде.

ҰҚК мәліметінше, пара Атырау аумағында заңсыз жұмыс істеген шетел азаматының ісін сотта жағымды жағынан көрсету үшін берілген. Бұдан бөлек, шетелдіктер ҰҚК қызметкеріне алдағы уақытта да Қытай азаматтарына қамқорлық жасағаны үшін айына 200 мың теңге сыйақы беріп тұруға ұсыныс жасаған. Ұсталған азаматтар өз кінәларын мойындаған. Қазір тергеу жұмыстары жүргізілуде.

Фото: ҰҚК баспасөз қызметі



Мақала авторы:

Есдәулет Қызырбекұлы

Пікір қалдыру

Пікір жазу үшін сайтқа кіріп, телефон нөмірін растаңыз.