Айбек финалда жеңіліп қалды

Асмира Ермекқызы - 02.12.20192836

Алматыдағы Балуан Шолақ спорт «Әлем барысы» әлем чемпионаты аяқталды. Қазақ балуаны Айбек НҰҒЫМАРОВ финалға шыққанымен үш дүркін «Әлем барысы» турнирінің жеңімпазы атана алмады. Бұл туралы «Жас АЛАШ» хабарлайды.

Финалдық бәсекеде қазақ балуаны Айбек Нұғмаров ресейлік спортшы Роман БОБИКОВТАН жеңіліп қалды. Роман былтыр «Әлем барысының» қола белбеумен үш миллион теңге ұтып алған еді.

«Қазақстан Барысы» біріншілігінің екі дүркін жеңімпазы, төрт дүркін Азия чемпионы Айбек «Әлем Барысына» төрт рет қатысқан. 2016 алғашқы «Әлем Барысында» финалда кубалық Оскар Рене ВИДАЛ БРАЙСОННАН жеңілген еді. 2017,2018 жылдары болса барлық қарсыластарынан басым түскен.

Үшінші орынды тағы бір қазақ балуаны Мақсат ИСАҒҰЛОВ өзбек балуаны Мухсим ХИСОМИДДИНОВТАН айласын асырды.

Фото: express-k.kz     



Мақала авторы:

Асмира Ермекқызы

Пікір қалдыру

Пікір жазу үшін сайтқа кіріп, телефон нөмірін растаңыз.