«Қазақ пен қала» байқауының жеңімпаздары анықталды

Бағашар Тұрсынбайұлы - 06.12.20196401

«Жас Алаш» газеті ұйымдастырған қала прозасына арналған «Қазақ пен қала» байқауы мәреге жетті. Биыл екінші мәрте өткізіліп отырған байқауға 45 жасқа дейінгі жазушылар қатысты.

Қазылар алқасының шешімі бойынша 1-орын «Аждаһаның жүрегі» әңгімесі үшін Нұрбек Нұржанұлына бұйырды. Жүлдесі – 1 миллион теңге.

 

2-орынға Әлихан Нұрбергенұлының «Тамұқтағы жалғыздық» әңгімесі лайық деп танылды. Жүлдесі – 500 мың теңге.

3-орынды Бекзат Алтынбек «Қабылдау кестесі» әңгімесі үшін алды. Жүлдесі – 300 мың теңге.

 

Есенқұл Маманұлы атындағы арнайы жүлдені «Соңғы трамвай» әңгімесімен Досхан Жылқыбай еншіледі. Бұл сыйлықты «Асылтас» Қоғамдық Қорының президенті, меценат Дулат Тастекеев тағайындап отыр. Жүлдесі – 200 мың теңге.

 

Ынталандыру сыйлықтарын «Қасиетті ойын» әңгімесімен Думан Терлікбаев, «Қара мысықтың қожайыны» әңгімесімен Әлішер Рахат алды. Жүлделері – 100 мың теңгеден.

Жеңімпаздары құттықтаймыз. «Қазақ пен қала» бәйгесі дәстүрлі бәйгеге айналды. Байқауға 61 шығарма түсті. Оның 57-сі сайтқа жарияланды. Уақытынан кешігіп келген екі шығарма болды. Ал 4-5 әңгіме тақырыптан тыс, я жариялауға мүлде келмегендіктен сайтқа салынған жоқ.

Құрметті қаламгерлер, келер жылы ұйымдастырылатын «Қазақ пен қала» байқауына қатысып, сіздер де жеңімпаз атаныңыздар!  

 

 

Мақала авторы:

Бағашар Тұрсынбайұлы

Пікір қалдыру

Пікір жазу үшін сайтқа кіріп, телефон нөмірін растаңыз.

Елдос Айтбекұлы 07 Желтоқсан, 2019

Әбден лайық

Жауап беру