Мұғалімдерді қара жұмысқа салғандар 318 мың теңге айыппұл төлейді

Мадияр Жалғасұлы - 06.01.20201182

«Педагог мәртебесі» туралы заң жобасы мұғалімдерді қалай қорғайды?

Экс-президент Нұрсұлтан НАЗАРБАЕВТЫҢ бастамасымен даярланған заң жобасын бұзғандар айыппұл төлейтін болады екен. Мәселен мұғалімге тіл гигізген адам 30 АЕК (79 530 теңге) төлейді. Егер тағы да ондай жағдай қайталанатын болса, айыппұл көлемі арта түседі. Яғни 40 АЕК (106 040 теңге) төлеуі тиіс. Тіпті бес тәулікке қамалады.

Мұғалімнің ар-намысына тиетін сөзі кәмелеттік жасқа толмаған бала айтатын болса, ата-анасы 20 АЕК (53 020 теңге) айыппұл қалтасынан қағылады. Бала бейәдеп қылығын қайтадан қайталаса 30 АЕК-ті ата-анасы тағы да әмиянынан шығарады.  

Педагогтарды өз қызметіне жатпайтын жұмыстарға жұмсайтындарды да айыппұл күтіп тұр. Бастапқыда ескерту жасалады. Содан соң 20 мен 120 АЕК көлемінде айыппұлдар салынады (318 120 теңге). Демек әкімдер көше тазалату, санақ жүргізу т.б жұмыстарға ұстаздарды жегу үшін айыппұл қаражатын алдын ала қамдап қоюы керек қой. Біздің шенділерден құлық артылған ба, бір амалын табар. Бәлкім сол айыппұлдың ақшасын мұғалімдердің өзінен жинап алар.  

Сондай-ақ, заңсыз тексерістер де айыппұл арқылы жауапкершілікке тартылады. Әрине, бұл заң жобасының басқа да игілікті түстары бар. Мәселен мектепте еңбек етеін қарапайым мұғалімнің балалары кезексіз балабақшаларға қабылданады. Бірақ көкейде бір сұрақ туындайды. Бұл заңның орындалуы үшін тағы да бір заң қабылдана ма деген.

Фото: zhasalash.kz

Мақала авторы:

Мадияр Жалғасұлы

Пікір қалдыру

Пікір жазу үшін сайтқа кіріп, телефон нөмірін растаңыз.