Қаралы күнге пысқырып та қарамайтын әкім

Есдәулет Қызырбекұлы - 08.01.20204237


Қаралы күні Ерейментау ауданының әкімі той тойлап жүрген. Бұл жөнінде КТК телеарнасы хабарлады.

Ақмола облысы Ерейментау ауданының тұрғындары жергілікті әкім Абай Әлжановтың қаралы күнде істеген әрекеттеріне наразы. Тұрғындардың сөзінше, шенеунік 28-ші желтоқсан күні жаңа жылдық кеш өткізіп, Аяз Ата мен Ақшақардың аясында той тойлаған.

Жаңа жылдық кеш өткен 200 адамдық мейрамхана жергілікті депутаттардың біріне тиесілі. Әкімнің өзі мейрамханаға корпоратив өткізу үшін емес, туысының туған күніне барғандығын айтады. Оның айтуынша, ол қаралы күн болғандықтан той иесін құттықтап, үйіне қайтқан.

Президент Қасым-Жомарт Тоқаев «Бэк Эйр» ұшағының апатқа ұшырауына байланысты 28-ші желтоқсанды аза тұту күні деп жариялаған. Алматы маңында болған апаттан 12 адам көз жұмған.

Коллаж: Жас Алаш.


Мақала авторы:

Есдәулет Қызырбекұлы

Пікір қалдыру

Пікір жазу үшін сайтқа кіріп, телефон нөмірін растаңыз.