Жалғыз басты аналар да талаптарын қоя бастады

Жанар Қожанова - 10.01.20202413

Ақтөбеде көпбалалы аналардың шуынан кейін енді жалғыз басты аналар бас көтеріп жатыр. Талаптары көпбалалы аналарға назар аударған үкімет әкенің қарауынсыз қалған балаларға да арнайы бағдарлама ойлап тапсын деп отыр. Сөздерінше толық емес отбасыға мемлекеттен қарастырылған еш жәрдем жоқ.

Ақтөбенің шенеуніктері көпбалалы аналармен кездеседі дегенді естіген жалғыз басты аналар жиын өтетін жерге келген. Наразы топ үкіметтегілер атаулы әлеуметтік көмекті асыраушысы жоқ әйелдерге бөлек қарасын деп отыр.

«Менің талабым, көпбалалы аналар өз талаптарын қойып 42 500 теңгені алды. Енді біздер жалғыз басты аналар, аз қамтылған аналарды үкімет ұмытып кеткен. Асыраушылары жоқ. Талабымыз жеті жасқа дейін АСП мен бала бақшаның жеңілдіктерін қалдырсын», - дейді жалғыз басты ана Салтанат.

Жиналғандар түрлі субсидия ойлап шығаратын биліктегілер сол ақшаны біздің балаларымызға жәрдемақы етіп бөліп берсін дейді.

«Бізге беретін 62 000 мыға қанағат тұтар едік егер еттің бағасы 600 теңге болса, сүттің бағасы 150 теңге болса ештеңе айтпас едік. Біздің мақсатымыз мал басына беретін субсидияны тоқтатып, соны мына кішкентай періштелерге бергенін қалаймыз», - дейді Гұлшат САРМАНОВА

Алайда елімізде жалғыз басты аналарға немесе толық емес отбасыларға арналған арнайы бағдарлама жоқ дейді әкімдіктегілер. Сөздерінше бұл отбасылар егер табыс көзі мөлшерден аспаса көпбалалы аналар секілді атаулы әлеуметтік көмек ала алады.

«Толық емес отбасыға арнайы ешнәрсе жоқ. Тек «бақытты отбасыға» қатыса алады және табыс көзі асып кетпесе атаулы әлеуметтік көмекке жүгіне алады. Тағы бір мәселе егер отбасында қиындық жағдай тап болса, сол кезде жылына бір рет әлеуметтік көмекке жүгіне алады. Онда да белгіленген мөлшерден асып кетпеуі керек», - деді Ақтөбе қалалық жұмыспен қамту және әлеуметтік бағдарламалар бөлімінің басшысы Мақпал ТҰРМАҒАНБЕТОВА.

Тапқан табысымыз отбасымызды асырауға жетпейді деген жалғыз басты аналар  дәл осы талаптарын енді Нұр- Сұлтанға хат қылып жолдамақшы.

Фото автордікі. 

Мақала авторы:

Жанар Қожанова

Пікір қалдыру

Пікір жазу үшін сайтқа кіріп, телефон нөмірін растаңыз.