«Бек эйр» ұшағының не себепті апатқа ұшырағаны белгілі болды

Есдәулет Қызырбекұлы - 10.01.20204945

«Бек эйр» ұшағының не себепті апатқа ұшырағаны белгілі болды. Бұл жөнінде премьер-министрдің орынбасары Роман СКЛЯР мәлімдеді.

Оның сөзінше, ұшақтың апатқа ұшырауына бортқа мұз қату себеп болған.

«Ұшу алдында «Бек эйр» ұшағына мұзға қарсы сұйықтықты толықтай шашпаған. Тек тұрақтандырғыш (стабилизатор) ғана мұзға қарсы сұйықтықпен көмкерілген. Қанаттарына сұйықтық шашылмаған», - деді Скляр брифингте.

Бұған дейін апатқа қатысты құрылған арнайы комиссия ұшақ әуеге көтерілмес бұрын артқы жақ бөлігімен жерге екі рет соғылғандығын айтқан. Ол кезде ұшақтың апатқа ұшырауына пилот қателігі немесе техникалық ақаулар себеп болуы мүмкін деген болжам айтылған.

«Бек эйр» компаниясына тиесілі «Fokker-100» ұшағы 27-ші желтоқсан күні Алматы маңында апатқа ұшырап, салдарынан 12 адам көз жұмған. Ұшақ Алматыдан Нұр-Сұлтан қаласына бағыт алған.

Фото: Әлеуметтік желіден.

Мақала авторы:

Есдәулет Қызырбекұлы

Пікір қалдыру

Пікір жазу үшін сайтқа кіріп, телефон нөмірін растаңыз.