Алматыда Жансүгіров жүлдесі берілді

Әйгерім Жетпісова - 13.01.20201082

Бүгін Алматыда Ілияс ЖАНСҮГІРОВТЫҢ 125 жылдығына орай өткен қаламгерлер мен журналистер арасында өткен байқаудың қортындысы шықты. Марапаттау салтанатына  зиялы қауым өкілдері, журналистер мен ақынның ұрпақтары бас қосты.

«Ілияс Жансүгірұлы қоры» ұйымдастырған байқау мақсаты  ілиястануға жаңа серпін беру. Қазылардың ұйғарымымен әдебиетші Елдос ТОҚТАРБАЙ бас жүлдеге ие болды. Бірінші орынды әдебиетші Заңғар КӘРІМХАН иеленсе, екінші орынды «Жетісу» телеарнасының журналисті Мұрат ЖҰМАБАЙ мен «Қазақ әдебиеті» газетінің журналисті, ақын Дүйсенәлі ӘЛІМАҚЫН алды. Үшінші орын І. Жансүгіров атындағы Жетісу университетінің профессоры Шара ҚИАХМЕТОВА мен қаламгер Жемісбек ТОЛЫМБЕККЕ бұйырды.   

«Жансүгіров журналист. Ілияс әлі бұл саладағы ашылмаған тың, үлкен публицист. Ілияс қазақтың алғашқы кәсіби журналисі. Мәскеуде ашылған журналистика институтының бірінші түлегі. Ал жасаған еңбегі менің ойымша бұл ғасырдан ғасырға, жылдан жылға үлкен өнеге, үлкен мектеп болатынына мен күмән келтірмеймін», - деді қазылар алғасының төрағасы Нұртілеу ИМАНҒАЛИҰЛЫ.

Байқауға бас-аяғы 130-дан астам материал түскен. Оның ішінде зерттеулер мен мақалалар және сұхбаттар бар. Конкурстың өтуіне Алматы облыс ымен Алматы қаласы әкімдігі және ҚР Ұлттық кітапхана қолдау көрсеткен.

Жиында мәдениеттанушы Мұрат ӘУЕЗОВ, ақынның ұлы Саят ЖАНСҮГІРОВ, «Ілиястану» орталығының жетекшісі, ф.ғ. докторы, профессор Мұратбек ИМАНҒАЗИЕВ, Алматы облысы, Ақсу ауданының әкімі Есім БАВЗАРХАНОВ, І. Жансүгіров атындағы қор басшысы Сәбит ҚОРҒАНБАЕВ және т.б. сөз сөйледі.

Фото: facebook.com


Мақала авторы:

Әйгерім Жетпісова

Пікір қалдыру

Пікір жазу үшін сайтқа кіріп, телефон нөмірін растаңыз.