Тоқаев Мамин үкіметіне сенді

Сайт Әкімшілігі - 24.01.2020714

Кешелі бері отандық БАҚ-та Асқар МАМИН үкіметі тарайды ма деген сауал қойылған еді. Ресей Федерациясы мен Өзбекстан үкіметінің отставкасынан кейін кейбір сарапшылар түрлі болжамдарын да білдіріп жатты. Бүгін астанада мемлекет басшысы Қасым-Жомарт ТОҚАЕВТЫҢ төрағалығымен өткен жиында бұл алып-қашпа әңгімеге нүкте қойылды. Керісінше президент министрлер кабинетіне сенім білдіретін байқатты.

«Жалпы сөгіс беру жақсы нәтижеге жетудің аса тиімді жолы емес. Бұл менің нақты ұстанымым. Сондықтан, үкімет мүшелеріне және әкімдерге кемшіліктерді түзетуге мүмкіндік беріп отырмын. Сондықтан, бүгінгі жиын барысында берілген тапсырмаларды зор жауапкершілікпен орындау қажет», - деді президент Қасым-Жомарт КЕМЕЛҰЛЫ.

Үкімет басшысы Асқар ҰЗАҚБАЙҰЛЫ президенттің сайлау алды бағдарламасы мен Қазақстан халқына жолдауындағы міндеттерді орындау үшін жұмыстар атқарып жатқанын баян етті. Әрине, экс-президент Нұрсұлтан НАЗАРБАЕВТЫҢ 100 нақты қадам – Ұлт жоспарының 5 институционалдық  реформасын да ұмыт қалдырған жоқ.

«Еңбек нарығы да тұрақты. Жұмыссыздық деңгейі 4,8% құрады. 423 мыңнан астам жаңа жұмыс орындары құрылды, оның ішінде 280 мыңға жуық — тұрақты жұмыс орындары.Трансферттерді қоспағанда мемлекеттік бюджет кірістері 9 трлн 688 млрд теңге немесе жоспар 101,2% орындалды. Бұл 2018 жылғы кірістерден 1,5 трлн теңгеге көп.Трансферттерді есепке алмағанда республикалық бюджет кірістері бойынша жоспар 100,6% ал жергілікті бюджеттер 103% орындалды.Мемлекеттік бюджеттің шығыстары 14 трлн 180 млрд теңге немесе жоспар 99,7% орындалды. Оның ішінде республикалық бюджет шығыстары — 99,9%, ал жергілікті бюджеттер — 99,4% орындалды», - деді өз кезегінде премьер-министр.  

Фото: primeminister.kz




Мақала авторы:

Сайт Әкімшілігі

Пікір қалдыру

Пікір жазу үшін сайтқа кіріп, телефон нөмірін растаңыз.