Алматыда зорлық-зомбылыққа шақырған арандатушылар ұсталды

Сайт Әкімшілігі - 11.02.2020964

Елді тәртіпсіздік пен зорлық-зомбылыққа үндеген екі ер адам ұсталды деп хабарлайды Polisia.kz сайты. Олар таратқан хабарға сай, күдіктілерді шапшаң әрекет бөлімінің қызметкерлері анықтаған. Кәзір сотқа дейінгі тергеу-тексеру жұмыстары жүргізіліп жатыр.

1990 жылы туған, бұған дейін тонаушылық қылмысы үшін сотталып келген О. есімді азамат пен 1987-ші жылғы С. есімді азамат, әлеуметтік желілерде,  танымал месенджерлердің көмегімен ел-жұртты адам мол жүретін жерлерде жиналып, заңға қарсы әрекеттерге шақырған. Бұл екеуіне ҚР ҚК 272 бабының 3 бөлімі бойынша айып тағылып отыр. Олардың іс-қимылына қатысты сараптама да жүргізіліп жатыр дейді полиция сайтында.  

Бұл екеуді Қордай ауданындағы оқиғаға қатысты ұстады ма әлде басқа ма, ол туралы полиция  сайтында айтылмайды. Ал, Қордай ауданындағы ұлтаралық қақтығысқа қатысты мәлімдеме жасаған президент Қ. Тоқаев  «Қордай ауданындағы оқиға арандатушылардың кінәсінен туындады, олар анықталып жазаланады» деген болатын. 

ФОТО ашық ақпарат көздерінен алынды

Мақала авторы:

Сайт Әкімшілігі

Пікір қалдыру

Пікір жазу үшін сайтқа кіріп, телефон нөмірін растаңыз.