Қазақстан халқы ассамблеясына қанша қаржы бөлінеді?

Гүлім Омар - 12.02.20201393

Қазақстан халқы ассамблеясына қанша қаржы бөлінгені белгілі болды.

Ақпарат және қоғамдық даму министрлігінің сайтында жарияланған мәлімет бойынша, 2025 жылға дейін Қазақстан халқы ассамблеясын дамыту бағдарламасы негізінде 2019 жылы бюджеттен 119 миллион теңге бөлінген. Аталмыш қаржы ұлттық театрлар фестивалін өткізуге бағытталған. Бұдан бөлек, қазақтың ұлттық өнеріне қатысты этникалық топ өкілдерінің фестивалін жасауға 15, 2 миллион теңге жұмсалмақ.

2019 жылы Қазақстан халық ассамблеясына арналған концертке 70,9 миллион теңге жұмсалған. 2020 жылы оның көлемін 74,2 миллион теңгеге көбейту жоспарлануда. Жыл сайын өтетін ҚХА отырысына былтыр 67,9 миллион теңге кеткен. Биылға жиынға да бдюжеттен дәл осындай сома бөлу қарастырылған.

Биыл жыл сайын ұлтаралық келісім саласындағы әлеуметтік зерттеулерге 35 млн, қоғамдық көңіл-күйді зерттеуге 16 млн,  «Мейірімділік керуені» республикалық форумына 21,9 млн, алғыс айту күніне орай өтетін форумға 21,9 млн, «Қазақстан махаббатым» акциясын өткізуге 19,6 млн, ұлтаралық бірлік пен қоғамдық келісімнің қазақстандық үлгісін насихаттауға 16,2 млн теңге бөлінбек.

Мақала авторы:

Гүлім Омар

Пікір қалдыру

Пікір жазу үшін сайтқа кіріп, телефон нөмірін растаңыз.