Украинада полицей журналистің көлігін өртеді деген күдікке ілінді

Дерек көзі: www.azattyq.org - 12.02.2020162

Украинада жергілікті тұрғын мен майор полициясы астыртын сөз байласып, Азаттықтың Украин қызметінің тілшісі Галина Терещуктің көлігін өртеді деген күдікке ілінді. Львов облысының прокуроры Ирина Диденко 11 ақпанда күдіктілерге ескерту жайлы қағазға қол қойды.

Диденконың айтуынша, күдіктілердің бірі 48 жастағы Львов тұрғыны қылмыстық топтар арасында темір жолда жанар-жағармай ұрлау схемасы және контрабанда оқиғалары бойынша танылған. Тергеу орындарының болжамынша, ол тапсырысты орындайтын адам іздеген 43 жастағы полиция майорымен сөз байласып, көлікті өртегені үшін ақша алған.

Күдіктілерге іздеу жарияланды. Енлі оларды қасақана қылмыс жасау немесе бөтеннің мүлкін бүлдіру бабы бойынша жауапкершілікке тартпақ. Қылмыстық кодексте бұл бойынша 6 мен 15 жыл аралығында түрме жазасы қарастырылған.

30 қаңтарда түнде Львовта Азаттықтың Украин қызметімен 2000 жылдан бері әріптестік орнатып келе жатқан журналист Галина Терещуктің көлігі өртенген болатын. Журналист мұны кәсіби қызметімен байланыстырады.

6 ақпанда полиция Одесса қаласында оқиғаға қатысы бар делінген 19 жастағы ер адамды ұстаған. Егер сотта оның кінәсі сотта дәлелденсе, он жылға дейін бас бостандығынан айрылуы мүмкін. Істі Украинаның қауіпсіздік қызметі тергеушілерімен бірге прокуратура тергеп жатыр.

Мақала авторы:

www.azattyq.org

Пікір қалдыру

Пікір жазу үшін сайтқа кіріп, телефон нөмірін растаңыз.