Әйелдерді аяқтан шалатын не?

Сайт Әкімшілігі - 25.03.20201041

 «Күйеуімнен  теперіш көрдім» деген жалғызілікті ана «Жас Алаш» газетінің тілшісіне өзінің өмірі туралы айтып беруге келісті. Арайдың (есімі өз өтінішімен өзгертілді) айтуынша, ол  күйеуге ерте шыққан. «Шымкентте туып-өскенмін. Колледжде оқып жүргенімде бір жігіт алып қашты. Алғашында қатты қарсыластым, бірақ артымнан қуғыншы боп келгендер ата-анамның сол жерде қалуым керегін ескерткенін  айтты», – дейді ол. 

Арай туған-туысқандарының қысымынан кейін алып қашқан адамның үйінде қалуды ұйғарыпты. Солай  алты жыл бірге тұрыпты. «Алғашында тыныш өмір сүріп жаттық. Ол жалданып құрылысшы болып жүретін, сосын  2-3 жыл өткен соң өзгере бастады. Жиі ішетінді шығарды. Ішкен сайын мені ұратын, бала жыласа оның да аузына мата тығып, ойына келгенін істейтін», – дейді.

Алты жылдан соң азапқа шыдай алмаған Арай ажырасып тынған. Алматыға жұмыс істеуге келген. Қазір «Алтын орда» базарында сатушы. Баласын жалғыз өзі тәрбиелеп жатыр. Өкінішке қарай, қоғамда осындай жағдай жиі кездеседі.

Жақында абайтанушы, филология ғылымының кандидаты Омар Жәлел Тараздағы Назарбаев зияткерлік мектебінде өткен кездесуде қыздарды маркерге теңеп, олардың міндеті «ерлерге қызмет ету» екенін айтты.  «Қыз баланың мұраты – өмір бойы оқып, «академик-доктор» болу емес, жастайынан бес зәруді бойына сіңіріп, «академик-докторларды» туып, тәрбиелеу» деген екен. Бұл сөзден соң қоғам екіге бөлініп, ғалымға  сын айтушылар мен  жақтаушылар пайда болды. Бұл Омар Жәлелдің әйел қауымы туралы айтқан алғашқы даулы пікірі емес-ті. Осы жағдайға байланысты артынан кешірім сұраған О.Жәлел өзін түсінетін адамның қалмағанын, өзінің «қазақша ойлап, қазақша сөйлегенін» алға тартты.

Ал наурыздың басында «қаралы шеру» өткізген «Қазфем», «Феминита», «Фемагора» сынды қазақстандық феминистер қозғалысы әйелдердің құқығы жиі тапталатынын, оған мемлекеттік органдар салғырт қарайтынына шағымданды. Тіркелмеген «Феминита» қозғалысының жетекшісі Гүлзада Сержан жылына 400 әйел күйеуінің немесе басқа жақынының қолынан қайтыс болатынын айтады. Г.Сержан «XXI ғасырдың әйелдері білімді, сайлау және сайлануға толық құқылы» дейді. Бірақ сол құқықты пайдалану жолында түрлі кедергі кездеседі екен. Бұл кедергілерді жою үшін қазіргі әйелдер саясатпен белсенді түрде айналысуы керек екен. Ол  саясатпен айналысуға феминистер мен көпбалалы аналар ғана құлық білдіріп отырғанына қынжылады. Ал білім мен денсаулық саласында, мемлекеттік ұйымдардың төменгі деңгейінде жүрген көптеген әйелдер қоғамдық жұмыс пен саясаттан қалыс қалады екен.

 Ел халқының 52 пайызы – әйелдер. Олар экономикалық, мәдени, басқа да салада қызмет етіп, мемлекеттің дамуына өлшеусіз үлес қосып келеді. Сөйте тұра әйел азаматтар ерлерге қарағанда жалақаны 30 пайыз кем алады екен. Оның үстіне арулардың 15 пайызы жұбайының жұдырық жұмсауын қалыпты жағдай ретінде қабылдайтын болып шықты.  

 «ХХІ ғасырдағы әйел адамның образы қандай?» деген сұраққа  белгілі ғалым, филология ғылымының кандидаты Аманқос Мектептегі: «Қазіргі әйел азаматтарымыз білімді, ерлермен тең жұмыс істей алады. Басқа елдермен салыстырғанда заңды тұрғыда көш ілгеріміз, бірақ сол заң тиісінше жұмыс істесе екен деген ойдамын. Кеңес Одағы құлағанда күштің көп бөлігі әйелдерге түсті. Екінші дүниежүзілік соғыста да аз студент қыздардың арасынан көп батырымыз шықты. Сондықтан біздің қыздар әртүрлі жағдайға бейім», – дейді. Сонымен қатар ғалым болашақта парақорлықпен, Сәке, Мәке деген ағайын-туыстықпен жұмысқа қабылдау азайғанда әйелдер  арасынан тамаша маман көп шығатынына бек сенімді.

Думан ТЕРЛІКБАЙ



Мақала авторы:

Сайт Әкімшілігі

Пікір қалдыру

Пікір жазу үшін сайтқа кіріп, телефон нөмірін растаңыз.

Баған

Қарағандылық 91 жастағы қария короновирустан сауықты

Сайт Әкімшілігі

Қарағандылық 91 жастағы қария короновирустан сауықты

Жалғыз өзі сотталды

Сайт Әкімшілігі

Жалғыз өзі сотталды

Бактерияға және вирусқа қарсы дәрі-дәрмектің тізімі жарияланды

Сайт Әкімшілігі

Бактерияға және вирусқа қарсы дәрі-дәрмектің тізімі жарияланды

COVID-19: билік бұл індеттен халықты құтқара ала ма?

Сайт Әкімшілігі

COVID-19: билік бұл індеттен халықты құтқара ала ма?

«150 мың теңгені қайтарып бер» (видео)

Сайт Әкімшілігі

«150 мың теңгені қайтарып бер» (видео)

Отандық медицинамыздан қайыр болмай тұр

Сайт Әкімшілігі

Отандық медицинамыздан қайыр болмай тұр

«Сабыр түбі – сары алтын»

Сайт Әкімшілігі

«Сабыр түбі – сары алтын»

Әкімдік "Алматы облысында блок-бекеттер қойылады" деген хабарламаға жауап берді

Сайт Әкімшілігі

Әкімдік "Алматы облысында блок-бекеттер қойылады" деген хабарламаға жауап берді

Бір тәулікте 569 адам коронавирус жұқтырды

Сайт Әкімшілігі

Бір тәулікте 569 адам коронавирус жұқтырды

Арман ШОРАЕВ: Путин – Ресейдің ең басты трагедиясы

Сайт Әкімшілігі

Арман ШОРАЕВ: Путин – Ресейдің ең басты трагедиясы

Астаналық дәрігер көзіне жас алып, ауруханадағы жағдайды айтып берді

Сайт Әкімшілігі

Астаналық дәрігер көзіне жас алып, ауруханадағы жағдайды айтып берді

COVID-19: Алматыда 14 науқастың жағдайы өте ауыр

Сайт Әкімшілігі

COVID-19: Алматыда 14 науқастың жағдайы өте ауыр

Одақ ішіндегі апан: құрдымға кім кетеді?

Сайт Әкімшілігі

Одақ ішіндегі апан: құрдымға кім кетеді?

Вирусолог мамандар коронавирус жұқтырып жатыр

Сайт Әкімшілігі

Вирусолог мамандар коронавирус жұқтырып жатыр

Коронавирус жұқтырғандардың 119-ы жансақтау бөлімінде жатыр

Сайт Әкімшілігі

Коронавирус жұқтырғандардың 119-ы жансақтау бөлімінде жатыр

Қазан басында жүрген қазақ әйелдері билікке неге ашынады?

Сайт Әкімшілігі

Қазан басында жүрген қазақ әйелдері билікке неге ашынады?

Ғалымдар коронавирустың жаңа мутациясын анықтады

Сайт Әкімшілігі

Ғалымдар коронавирустың жаңа мутациясын анықтады

«Жер де, үй де жоқ, «Алтын алқаны» ломбард алмайды», Үкімет аналарды қашанғы алдайды?

Сайт Әкімшілігі

«Жер де, үй де жоқ, «Алтын алқаны» ломбард алмайды», Үкімет аналарды қашанғы алдайды?

Қарағандыда атыс болды

Сайт Әкімшілігі

Қарағандыда атыс болды

«Кекілін қайырып, жағын айырып тастаймыз!» псевдосәләфиттер биліктің маңдайын «сипап» отыр ма?

Сайт Әкімшілігі

«Кекілін қайырып, жағын айырып тастаймыз!» псевдосәләфиттер биліктің маңдайын «сипап» отыр ма?

Ұқсас жаңалықтар