133 мың мигрант елден шығарылды

Сайт әкімшілігі

22.02.2021, 10:03

2726

Ішкі істер министрлігі биыл ақпанда «Мигрант» жедел алдын алу іс-шарасының екі кезеңін өткізді, — деп хабарлайды «Жас Алаш» Polisia.kz сілтеме жасап. 

«Пандемия кезінде Қазақстан аумағында болған мыңдаған шетелдік елден шыға алмай қалды. ІІМ Көші-қон қызметінің, шет мемлекеттер өкілдіктерінің және көші-қон жөніндегі халықаралық ұйымның көмегімен бұл адамдардың құжаттарын ресімдеуге көмек көрсетілді. Жыл басынан бері полиция қызметкерлері 133 мың заңсыз мигранттың елден өз еркімен кетуіне көмектесті. Төлқұжатының қолданылу мерзімі өткен 675 шетелдік қайтып оралуға арналған куәлік алды», — деп атап өтті ІІМ басшысы Ерлан Тұрғымбаев.

Портал мәліметінше, көші-қон заңнамасын қасақана бұзу фактілері де анықталды. Жедел профилактикалық іс-шара барысында 582 жұмыс беруші шетелдік жұмыс күшін тиісті рұқсатсыз пайдаланғаны үшін жауапқа тартылған. Заңсыз көші-қонды ұйымдастыру фактілері бойынша 28 қылмыстық іс тіркелген.

Мысалы, Шымкентте Өзбекстанның 70 азаматы мен Қытайдың 62 азаматын жұмысқа заңсыз қабылдаған бірқатар заңды тұлғалар анықталды. Қазіргі уақытта заңсыз көші-қонды ұйымдастыру фактісі бойынша соталды тергеу басталды.

Портал хабарына қарағанда, жедел профилактикалық іс-шара барысында іздеуде жүрген 140 қылмыскер ұсталған. Олардың ішінде 129 қазақстандық, ТМД елдерінің 10 азаматы, сондай-ақ, сексуалдық сипаттағы зорлық-зомбылық әрекеттері және бопсалау фактісі үшін халықаралық іздеуде жүрген Түркия азаматы бар.

"Қазақстандықтар ғана емес, шетелдіктер де өзін қауіпсіз сезінуге тиіс. Бұл — полицияның негізгі міндеті. Сонымен бірге, біздің елде уақытша жүрген қонақтар заңдарды құрметтеуге және елде болу ережелерін бұзбауға міндетті. Сондықтан көші-қон қызметінің бұл бағыттағы жұмысы тұрақты түрде жүргізілуі қажет", — деді министр Ерлан Тұрғымбаев.

Көші-қон қызметі комитетінің мәліметінше, көші-қон заңнамасын қасақана бұзушыларға қатысты заңсыз иммигранттарды шығаруға 969 сот шешімі шығарылған.

Тегтер: мигрант келімсек экономика нарық

ҰҚСАС ЖАҢАЛЫҚТАР

М.СӘУЛЕБЕК 19.05.2022, 14:34
Жұмыссыздықпен күрестің тиімді тәсілі – шағын кәсіпкерлік
Қарлығаш ЗАРЫҚҚАНҚЫЗЫ 19.05.2022, 08:56
Сор болған стрестік активтер
М.СӘУЛЕБЕК 18.05.2022, 15:47
Кәсіпкерлікті арттыру «донор» өңірлер санын арттырады
Қарлығаш ЗАРЫҚҚАНҚЫЗЫ 18.05.2022, 06:20
Қалтырауық үкімет
Қуаныш ӘБІЛДАҚЫЗЫ 17.05.2022, 05:13
Халықты тонаудың бір әдісі
Сайт әкімшілігі 16.05.2022, 12:35
Бүгіннен бастап елімізде жеңілдетілген автонесие беріледі

Аңдатпа


  • Мусин міз бақпайды
    19.05.2022, 08:52
  • Сор болған стрестік активтер
    19.05.2022, 08:56
  • Балалар жылында балалар неге шеттетіледі?
    19.05.2022, 08:40
  • Қалтырауық үкімет
    18.05.2022, 06:20
  • Қонаев кімнен кем, кімнен артық еді?
    18.05.2022, 06:17