«Бәйтерек» басымызға шықты

Әділ АҚЫЛБАЙ

30.08.2021, 08:33

4440

     «Бәйтерек» холдингі директорлар кеңесінің жүріс-тұрысына жылына 1 миллиард теңгеге жуық ақша шашылады екен. Өздері ұсынған ресми деректің өзі солай депті. Сұмдық қой бұл!

      Халықтың ақшасы. Елдің несібесі. Қазақстан халқының мойнына мініп алған «Бәйтеректің» директорлар кеңесіне кімдер кіреді десеңіз, олар ұзын-ырғасы 10 адам екен – премьер-министр Асқар Мамин, премьер-министрдің орынбасары Роман Скляр, президент әкімшілігі басшысының орынбасары Тимур Сүлейменов, индустрия және инфрақұрылымдық даму министрі Бейбіт Атамқұлов, бұрынғы экономика министрі Руслан Дәленов, қаржы министрі Ерұлан Жамаубаев, «Бәйтерек» холдингінің төрағасы Айдар Арифханов, тәуелсіз директорлар – Германия азаматы Клаус Мангольд, Сингапур азаматы Филип Йео, Германия азаматы Томас Миров деген дөкейлер.

       Бұлардың бәрі неше түрлі елдер мен алыстағы құрлықтарға қыдырғыш. 2019 жылы қыдыруға 946 миллион теңге жұмсап тастапты. Жарнама мен маркетингтік қызметтерге деп 1,2 миллиард теңгені жұмсап жіберген.

Халықтың сорына пайда болған жұттың өзі екен. Айтпақшы, холдингтің біреулердің алдында қарызы да бар. Былтыр онысы 714 миллион теңгені құраған. Жәрдемақыны, зейнетақыны көтерейік дегенде, «ақша жоқ» дейтін үкімет осындайлардың жайлы өмірінен ақшаны еш аямайды.

       Осы «Бәйтерек» холдингінің әкімшілік шығындары жылына 54 миллиард теңгені құрағанын, оның 24 миллиарды жалақы ретінде төленгенін президенттің өзі айтып еді. Президент бұл «Бәйтеректі» дивиденттің 100 пайызын бюджетке аударуға шақырған болатын. Бұлар бірақ оны естімей қалды әдейі, ондайда өтірік ақымақ, керең боп қалады ғой. Есесіне таза табыстың 85,8 пайызын компанияның өзінде қалдырайық деген шешім шығарыпты. Директорларға премия деп, оны да жұтып алайын деп жүр-ау...

Тегтер: холдинг бюджет түсім аударым

ҰҚСАС ЖАҢАЛЫҚТАР

Сайт әкімшілігі 17.01.2022, 09:49
Тимур Құлыбаев "Атамекен" ҰКП төрағасы қызметінен кетті
Сайт әкімшілігі 17.01.2022, 09:12
"Қазақстан халқына қоры" халықты жарылқай ма?!
Сайт әкімшілігі 13.01.2022, 09:08
Бүліктен бизнеске келген залал 100 миллиард теңгеден асты
Сайт әкімшілігі 12.01.2022, 11:01
Сұлтанов азық-түлік бағасын реттей ала ма?
Сайт әкімшілігі 10.01.2022, 11:15
Бизнеске келген шығын 94 млрд теңгеге жуықтады – «Атамекен»
Сайт әкімшілігі 05.01.2022, 10:20
Қ.Тоқаев инфляцияға жол берген кінәлілерді атады

Аңдатпа


  • "Қазақстан халқына" қорына білім беру ұйымдары ақша аударуға міндеті емес
    17.01.2022, 14:00
  • Алматы трагедиясы: Бас прокуратура қылмысты толық аша ала ма?!
    14.01.2022, 08:54
  • Сағынтаев Алматыдағы бүлік кезінде қайда болды? (видео)
    13.01.2022, 09:30
  • Эпид ахуал күрделеніп барады. Бас санитардың қаулысы жарияланды
    14.01.2022, 08:39
  • Бүліктен бизнеске келген залал 100 миллиард теңгеден асты
    13.01.2022, 09:08