Доллар қымбаттап жатыр, теңге қашанғы теңселеді?

Қарлығаш Зарыққанқызы

28.12.2020, 12:56

2182

Таңғы сауда  бойынша, Қазақстан қор биржасында доллардың орташа бағамы 419,79 теңге болды.

Kurs.kz мәліметінше, бүгінде Алматыдағы ақша айырбастау пункттерінде доллар 421,17 теңге сатылса, ал сатып алу — 419,65 теңге.

Нұр-Сұлтандағы ақша айырбастау пункттерінде доллар 421,36 теңгеге сатылып жатыр, сатып алу — 420,28 теңге.

KASE нәтижесі бойынша, доллар 0,30 теңгеге өскен.

Жалпы, сала мамандарының пайымдауынша, болшақта теңгені теңселтпеу үшін мынадай ұсыныстар ескерілуі керек: 

Біріншіден,  бюджетке түсетін табысты әртараптандыру қажет. Мұнайға тәуелділіктен арылу үшін балама энергия көздерін өндіруді дамыту қажет. Бұл ретта алтын-күміс, руда, уран өндіру істері қарқындап дамуы қажет. Жаңа технологияға жүгіне отырып, әрбір салада жаңалық ашуға бейімделіп, нано-биотехнологиялардың тілін меңгеру қажет болады.

Екіншіден,  алыпсатарлық экономикадан арылу керек. Мұндай экономика импортқа тәуелді. Сондықтан отандық өнім өндіру жағына басты назар аударған абзал.

 Үшіншіден,  жерді дұрыс пайдалану жобаларын қолға алу керек. Елдегі жайылымдық жерлер, егістік жер, бос жатқан жерлерді игеру қазір өте маңызды. Жерді шаруаларға арзан несиемен беру жағы ойластырылуы тиіс. Жерсіз жүрген шаруаларды жермен қамту қазір өзекті болып отырған тұс.

Төртіншіден, Әр салаға шетелден сарапшыларды тартып оған қыруар қаржы жұмсауды шектеу керек. Бұл арада отандық ғалымдарымыздың ойына жүгіну тиімдірек болады. Себебі шетелден келген сарапшылар Қазақстанның аурасын, экономикалық қабілетін нақты біледі деп айту қиын.

Бесіншіден, ислам банкинг жүйесін дамыту қажет. Бұл көптеген отандық өндірістің дамуына жол ашатын мүмкіндік. Пайызсыз қаржы алып, оны бөліп-бөліп қайтару қай кезде де экономикалық жағынан тиімді.

Алтыншыдан, Қазақстан өз мүддесін, өз талап тілегін қоя білуі керек. Әсіресе шетелдік инвесторлармен жұмыс істегенде.«Міне, экономикалық дағдарыстан оңай шыққымыз келсе,  бірінші кезекте осы ұсыныстар ескерілуі тиіс. Олай етпесек, еңсе тіктеу қиын болады. Бұл ұсыныстар ескерілсе  кез келген дағдарысқа шыдас беруге мүмкіндік ашылар еді» дейді мамандар.

Тегтер:

ҰҚСАС ЖАҢАЛЫҚТАР

Сайт әкімшілігі 16:15
Зейнетақы жинағын алу: БЖЗҚ 49 миллиард теңгеге өтінім мақұлдады
Сайт әкімшілігі 12:53
Депутаттар зейнет жасын 60 жасқа төмендетуді ұсынды
Сайт әкімшілігі 10:19
Ұлттық банк ел экономикасы оңалатын кезеңді айтты
Қарлығаш Зарыққанқызы 26.01.2021, 12:37
Тұралаған банктер мен қалжыраған қорлар елді қиындықтан құтқара ма?
Қарлығаш САЙЛАУБАЕВА 25.01.2021, 13:29
Ресейдің көңіл күйі Қазақстанға қалай әсер етеді?
Еркежан АРЫН 25.01.2021, 11:00
Қазақстанда кедейлік деңгейі 1,5 миллион адамға артады – Дүниежүзілік банк

Аңдатпа


  • Кім көрінгеннің ермегіне айналған отбасы заңы
    09:28
  • Озат ойдың айбыны
    26.01.2021, 11:26
  • Өкімі өзінен бұрын жеткен Сақтағанов Семейді басқаруға тағайындалды
    26.01.2021, 10:23
  • "Вакцина жасатқандар жарты жылдан кейін жаппай өле бастайды», бұл ақиқат па?
    25.01.2021, 09:46
  • Қазақ қызы АҚШ президентінің протокол басшысының міндетін атқарушы болып тағайындалды
    22.01.2021, 13:10