е-learning 30 млрд теңгені жұтып қойды. Нәтиже қайда?

Әділ АҚЫЛБАЙ

11.09.2020, 09:29

912

      

       «Қазақстанның e-learning электронды оқыту жүйесін енгізуге жұмсаған 30 миллиард теңгесі далаға кетті. Ешқандай нәтиже жоқ», – деді мәжіліс депутаты ЖәмилаНұрманбетова.

     «Жалпы алғанда, «Ақпараттық Қазақстан-2020», «Цифрлық Қазақстан-2020» сияқты бағдарламаларға, білім беруді дамыту шараларына соңғы бес жылда 72 миллиард теңгеден астам ақша бөлінген, оның ішінде 30 миллиард теңге e-learning электронды оқыту жүйесін енгізуге жұмсалған еді. Ол ақшаны далаға кетті деуімізге болады. Өйткені ешқандай нәтиже жоқ», – деді Нұрманбетова кешегі мәжіліс отырысында.

      Депутаттың айтуынша, электрондық білім беру ресурстарын құру, педагогикалық кадрларды даярлау, ақпараттық-коммуникациялық технологияларды пайдалану, ақпараттық-ағарту ресурстарды баршаға теңдей, қолжетімді ету сияқты көптеген шаралар көзделген болатын. «Білім және ғылым министрлігі не десе о десін, бірақ 2020-21 оқу жылының басы көрсетіп отырғандай, мектеп оқушылары сабағын оқи алмай қалды. Цифрлық даму, инновация және аэроғарыш өнеркәсібі министрлігінің қашықтан оқытуға арналған қазақстандық жеті интернет платформа толық дайын деп, мәлімдегені бекер болғаны ма?» – деді депутат.

     Оның пайымдауынша, білім беру платформалары қажетті ақпараттық қауіпсіздік талаптарына сай келмейді, білімнің сапалы мазмұны жоқ. Оқу үрдісі қайта-қайта үзіледі. Қашықтан оқуға интернет жылдамдығы жеткіліксіз, шалғай ауылдарда тіпті интернеттің өзі жоқ. «55 мыңнан астам мектеп оқушысы әлі күнге дейін интернеті жоқ 835 ауылда тұрады. 1 миллионнан астам оқушының компьютері жоқ», – деді депутат.

      Нұрманбетова білім беру жүйесі қашықтан оқу форматында басталған 2020-21 оқу жылына шала дайындалғаны үшін жауапты тұлғаларды жазалауды ұсынды.

Тегтер: білім қаражат мемлекет мәселе онлайн оқу жоба ғалам

ҰҚСАС ЖАҢАЛЫҚТАР

Сайт әкімшілігі 28.09.2020, 17:13
Жемқорлықты бақылау көрсеткіші артып келеді
Сайт әкімшілігі 28.09.2020, 15:45
Ұлттық банк теңгенің әлсіреуіне қатысты түсінік берді
Сайт әкімшілігі 28.09.2020, 14:06
Доллар күрт төмендейді-сарапшы
Сайт әкімшілігі 28.09.2020, 12:13
Қазақстанда доллар қымбаттап жатыр
Сайт әкімшілігі 25.09.2020, 10:26
Tengri Bank салымшылары кепілдік өтемін қай банктен және қалай алады
Еркежан АРЫН 24.09.2020, 10:35
Кәсіпкерлерді қолдайтын жобалардың бабын келістіре алдық па?

Аңдатпа


  • Ұлттық банк теңгенің әлсіреуіне қатысты түсінік берді
    28.09.2020, 15:45
  • «Shymkent bike» қызметін пайдаланушылар көбейді
    26.09.2020, 15:01
  • Үш мыңға жуық медицина қызметкеріне біржолғы төлем берілді
    28.09.2020, 11:16
  • Tengri Bank салымшылары кепілдік өтемін қай банктен және қалай алады
    25.09.2020, 10:26
  • Бір тәулікте қанша адам коронавирус жұқтырғаны анықталды
    23.09.2020, 09:43