ЕО экономикасына терең рецессия қаупі төніп тұр - Еурокомиссия

08.07.2020, 06:54

230

 Еуропалық одақ және ұлттық деңгейдегі жылдам әрі ауқымды жауап шараларына қарамастан, коронавирус пандемиясына байланысты биыл ЕО экономикасына терең рецессия қаупі төніп тұр. Мұндай тұжырымдар сейсенбі күні жарияланған Еурокомиссияның 2020 жылдың жазына арналған экономикалық болжамында келтірілген, деп хабарлайды  «Жас Алаш» ҚазАқпарат-қа сілтеме жасап. 

Коронавирусқа байланысты шектеулерді алып тастау баяу қарқынмен жүріп жатқандықтан, биылғы жылы пандемияның экономикалық белсенділікке әсері бұған дейін болжанғаннан гөрі едәуір болады.

Болжам бойынша, еуроаймақтың экономикасы биыл 8,7% төмендейді, 2021 жылы 6,1% өседі. Ал ЕО экономикасы 2020 жылы 8,3% төмендеп, келесі жылы 5,8% ғана артады.

Осылайша, 2020 жылы рецессия еуроаймақ үшін 7,7% және жалпы ЕО үшін 7,4% құрап, болжанғаннан әлдеқайда терең болмақ. 2021 жылғы өсім Еурокомиссияның көктемде күткен деңгейінен біршама тұрақты болады.

«Пандемия және коронавирустың таралуын тоқтату бойынша қабылданған шаралар, негізінен, екінші тоқсандағы экономикалық белсенділікке әсер етті. Бұл, Екінші дүниежүзілік соғыстан кейінгі ІЖӨ төмендеуінің алғашқы көрінісі», – деді сейсенбіде Брюссельде өткен баспасөз конференциясында экономика жөніндегі еурокомиссар Паоло Джентилони.

Экономиканы қалпына келтіру процесі осы жылдың екінші жартысында қарқын алмақ. Дегенмен, ол ЕО-ның әртүрлі елдерінде толық емес және біркелкі болмайды.

«Экономикалық белсенділіктің төмендеуі соншалықты ауыр болды. Екінші жартыжылдықта ішінара қалпына келтіру жыл сайынғы өсу қарқынын айтарлықтай арттыра алмайды», — деді Джентилони.

Инфляция болжамы айтарлықтай өзгерген жоқ және биыл 0,3%, келесі жылы 1,1% болады деп күтілуде. ЕО үшін инфляция 2020 жылы 0,6% және 2021 жылы 1,3% деңгейінде болуы ықтимал.

Екіұдай жағдай жоғары болып қалып отыр. Ал ахуалдың одан әрі нашарлау қаупі жоғары. Өйткені пандемияның ауқымы мен ұзақтығы белгісіз.


Тегтер:

ҰҚСАС ЖАҢАЛЫҚТАР

Нұрай РАХЫМ 10:19
Жаңа кен орындары игерілмек
Тоқтар ҒАБДРЕШҰЛЫ 19.10.2021, 14:24
Батыс Қазақстан башқұрттармен бизнес жасамақ
Қарлығаш ЗАРЫҚҚАНҚЫЗЫ 19.10.2021, 08:23
«Досаевқа – «2», үкіметке – «-1»
Сайт әкімшілігі 18.10.2021, 15:39
Ауыл шаруашылығы министрі ұн мен астық неге қымбаттағанын түсіндірді
Еркежан АРЫН 16.10.2021, 16:24
Қазақстандағы электрондық сауданың даму қарқыны жоғары
Айнұр ӘЛИ 14.10.2021, 13:00
Жалдамалы жұмыс жарылқай ма?

Аңдатпа


  • «Ақиқаттың алдаспаны» байқауына қатысыңыз
    19.10.2021, 10:30
  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31