Маңғыстауда 3 жылда 8 мектеп салынады

16.03.2019, 22:27

55

Маңғыстау облысында алдағы үш жылда 8 жаңа мектеп жұмысын бастайды. Бұл туралы облысқа іссапармен келген Білім және ғылым министрі Күләш Шәмшидинова айтты. Министр іссапар барысында облыстағы бірқатар нысандарды аралап көрді. Мектептердің заманауи техникамен жабдықталуы, озық үлгідегі мектептердің жұмысын қадағалау мақсатында жасалған сапардың алғашқысы Жаңаөзен қаласынан бастау алды. Айта кету керек, биыл Жаңаөзенде 2 жаңа мектеп пайдалануға берілген.Мектептердің, мектеп-гимназия ұжымымен, педагогтық құраммен кездескен министрі ІТ-сыныптары мен робототехника сыныбының жұмысын, оқушылардың жетістігін бағалады. Жалпы, Жаңаөзенде 24 орта мектеп жұмыс істейді, қаланың 30579 оқушысы бар. Биылғы жылдың шілесінен бастап мұғалімдердің жалақысы 30 пайызға артатынын, сол себепті, мұғалімдердің әлеуметтік жағдайы көтерілген сайын талап та күшейетінін айтқан министр қаладағы жоғары санаттағы мұғалімнің жалақысы 158034 мың болатынын, ауылдық жерлерде 180908 теңге болатынын атап өтті. Мұғалімдердің өмір сүру деңгейі өктерілсе, өңірлердің дамуы, білім саласының жаңа деңгейге көтерілуіне ықпал етеді.  Бұл өз кезегінде аймақтардың сапалы мамандармен, жастармен толығуына жол ашады.Сондай-ақ, білім және ғылым министрі Күләш Шәмшидинова Ақтау қаласында да болып, бірнеше білім саласына қатысты ұйымдар мен нысандарды аралады. Осы күнге дейін мәселесі шешілмей келе жатқан үш ауысымды мектептердің жағдайын көзбен көру мақсатында алдымен Ақтау қалалық №29 мектепке барып, үш ауысымды мектептер мәселесін шешу жолдарын қарастырды. Жалпы, Маңғыстау облысы бойынша 157 жалпы білім беретін мектеп жұмыс істеп тұр. Облыстың 140 мыңнан астам оқушысы бар. Ал, үш ауысымды мектептер саны жыл санап азайып келеді. Мәселен, биылғы жылы облыс бойынша 6300 орындық 9 жаңа мектеп жұмысын бастады. Бұл өз кезегінде мектептердегі үш ауысымдық мәселесін шешуге үлес қосады. — Тәуелсіздік алғаннан бері Маңғыстауда 55 мектеп салынған. Алдағы үш жылда Маңғыстау облысында 8 мектеп ашылады. Олар негізінен  үш  ауысымда  жұмыс жасайтын, ғимараттары апатты жағдайдағы мектептердің орнына салынатын болады, – дейді Күләш Шәмшидинова.Сөйтіп, алдағы үш жылда үш ауысымды мектептер мен ескі, апатты жағдайлардағы орта мектептердің жағдайын реттейтінін айтқан білім және ғылым министрі іс сапары барысында Ақтау қалалық Оқушылар Орталығына да бас сұқты. Бұл орталық қазір оқушыларға мектептен тыс уақытта қосымша білім берумен айналысады. Негізінен шахмат, тоғызқұмалақ, хореография, робот техникасы, планетарий, құммен бейнелеу, art студия,  жас дизайнер, сәндік өнер, домбыра, гитара студиялары, english study, таеквондо, каратэ, жеңіл атлетика сияқты өнер мен спорт түрлерінен үйірмелер жұмыс істейді. Бұл орталықта қазір 6 500  мыңнан астам бала қосымша білім алуда. Ал, жалпы облыс блыс бойынша 35 мыңан астам оқушы қосымша білім алуға мүмкіндік алған.Министр заманауи білім беру жұмысын жіті назарда ұстау керектігін ескеріп, Халел Өзбекғалиев атындағы Маңғыстау политехникалық колледжіне барып, колледж жанынан құрылған IT орталықтың жалпы жұмысымен танысты. Бұл орталықта қазір графикалық және Веб дизайн, бейне өндірісі зертханасы, іс бағдарламасы бойынша қысқа мерзімді курстарды өткізуге арналған арнайы оқу кабинеттері, робототехника, инклюзивті білім беруге арналған компьютерлік сауаттылыққа үйрету кабинеттері жұмыс істеп тұр.Фото: nur.kz
Тегтер:

ҰҚСАС ЖАҢАЛЫҚТАР

Сайт әкімшілігі 13:30
30 пайыз: «Шымбұлақ» жаңа маусымды карантиндік шектеулермен бастады
Қарлығаш Зарыққанқызы 27.11.2020, 09:25
Естір құлақ, епті үкімет қайда бар?!
Айжан БҮРКІТБАЕВА 26.11.2020, 15:59
Ұлттық қордың қызығын халық қашан көреді?
Қарлығаш Зарыққанқызы 26.11.2020, 13:52
Қазаққа малын көгендеп бағу ғана қалды
Қарлығаш Зарыққанқызы 25.11.2020, 12:49
Алматыда азық-түлік апта сайын қымбаттап жатыр, бұған тоқтам бар ма?!
Қарлығаш Зарыққанқызы 24.11.2020, 14:41
Қазақстан экономиканы сауықтыру үшін 1,5 млрд еуро қарыз алады

Аңдатпа


  • Қабырғасы қақыраған құрылыстан қашан құтыламыз?
    11:09
  • Қазақстанда қылмыстың 12%-ын әйелдер жасайды
    16:52
  • 30 пайыз: «Шымбұлақ» жаңа маусымды карантиндік шектеулермен бастады
    13:30
  • Солтүстік Қазақстанда бүтін бір ауыл қар суын ерітіп ішіп отыр (видео)
    27.11.2020, 09:35
  • Жастарға жол бермей жатқан ешкім жоқ
    27.11.2020, 09:16