Қазақстанда баспана 15 пайызға қымбаттайды деп болжанды

Сайт әкімшілігі

18.01.2021, 12:06

3468

Биыл елімізде баспана бағасы қымбаттауы мүмкін. Бұған ең біріншіден, зейнетақы жинағының бір бөлігін пайдалану туралы заң себеп. Осыған байланысты жылжымайтын мүлік сатып аламын деушілердің саны 10 проценттен 20 процентке дейін күрт өседі деген болжам бар, деп хабарлайды «Жас Алаш» 24.kz-ге сілтеме жасап.

Елімізде баспана сатып алуға деген сұраныс жыл сайын артпаса кеміген емес. Өткен жылы 94 мың 737 тұрғын үй пайдалануға берілген. Биыл да баспаналы болғысы келетіндер көп. Бірақ баға қымбаттайды дейді сарапшылар. Оның да сан түрлі себептері бар екен. Ең алдымен елімізде 720 мыңнан астам адам зейнетақы қорындағы қаражатын пайдалануға мүмкіндік алып отыр.

Күнікей Нұрлан, қаржылық кеңесші:

— Кез келген өзгеріс бұл нарыққа әсерін береді. Міндетті түрде. Сол себептен де жылжымайтын мүлік нарығына әсерін тигізеді деген сенімдемін. Бірақ өсу енді 10-15 процент болуы мүмкін. Одан әрі өсуі мемлекет тарапынан реттелуі мүмкін. Бірақ қазір байқап отырсаңыз желтоқсаннан бастап нарық 8-10 процентке өсіп отыр. Сол себепті әсерін тигізеді. Және де бағасы қымбаттайды.

Елімізде тұрғын үйдің бағасы өткен жылдың екінші жартысынан көтеріле бастаған. Оған әлемдік пандемияның да әсері болыпты. Яғни құрылыс қарқыны бәсеңдеген. Шет мемлекеттерден әкелінетін құрылыс материалдарының тапшылығы, уақытында жеткізілмеуі, жұмысшылардың карантин шектеулеріне байланысты ауысыммен жұмыс істеуі ықпалын тигізген.

Мақсат Халықов, GSB бизнесті талдау орталығының директоры:

— Тұрғын үйдің бағасы қымбаттай бастады. Жаздың ортасынан бастап. Не себепті деп қарайтын болсақ, оған негізгі әсер еткен себеп, оған мемлекеттік бағдарламалар болды. Әсіресе мына «Алматы жастары» деген бағдарлама. Сол кезде 3000-ға жуық адамға тұрғын үй берілді.

Сарапшылар жаңа жобаның баспана нарығына қаншалықты әсер ететіні мамыр айында белгілі болады дейді. Зейнетақы қорындағы қаражатын алушылардың басым көпшілігі бұған дейін алған ипотекалық қарыздарын жабуға тырысады. Кейбірі ақшаны емделуге жұмсайды. Ал үй сатып алғысы келетін азаматтардың саны 100 мыңға жуық. Сондықтан баспана бағасы қатты қымбаттамайды дейді мамандар.

Тегтер: баспана мәселе проблема әкімдік

ҰҚСАС ЖАҢАЛЫҚТАР

Сайт әкімшілігі 05.08.2022, 16:59
Премьер-министр Ауыл шаруашылығы министрлігін сынға алды
Сайт әкімшілігі 05.08.2022, 09:17
Баспана аспандады, азық-түлік шарықтады, үкімет өз жөнімен қалықтап жүр...
Сайт әкімшілігі 04.08.2022, 14:51
Қаңтар оқиғасынан зардап шеккен кәсіпкерлер салықтан босатылады
Әділ АҚЫЛБАЙ 04.08.2022, 10:40
«Жасыл Қазақстан»: Жел мен күннен қуат алу 5 жылда 10 есеге көбейді
Әділ АҚЫЛБАЙ 03.08.2022, 17:51
Жасыл экономика жаңа дағдыларды талап етеді
Әділ АҚЫЛБАЙ 02.08.2022, 16:04
Қазақстанның «жасыл» экономикадағы жетістіктері

Аңдатпа


  • Баспана аспандады, азық-түлік шарықтады, үкімет өз жөнімен қалықтап жүр...
    05.08.2022, 09:17
  • АЭС-тің арты жақсы бола ма?!
    04.08.2022, 08:55
  • «Қазақстан халқына» қорынан халыққа пайда бар ма?!
    03.08.2022, 08:59
  • «Аллаһу акбар деп айқайлаған»: Жамбыл облысында сотталушы түрменің үш қызметкерін жаралады
    02.08.2022, 08:47
  • Халықты жоқшылық қысып барады...
    01.08.2022, 13:40