Республикалық бюджеттің 28 млрд теңгесі игерілмей қалған

Сайт әкімшілігі

09.09.2020, 04:42

300

ҚР Қаржы министрі Ерұлан Жамаубаев бюджет қаражатын игермеген министрліктер мен өңірлерді атады.

 «Мемлекеттік бюджеттің шығыстары 98,8%, республикалық бюджеттің шығыстары — 99,5%, жергілікті бюджеттердің шығыстары — 98,4% атқарылды. Республикалық бюджеттің шығыстары 9 трлн 251 млрд теңгені құрады. 45 млрд теңге атқарылмаған. Оның ішінде 17 млрд теңге үнемделіп, 28 млрд теңге игерілмеген», — деді министр Үкімет отырысында.

Әсіресе Цифрлық даму, инновациялар және аэроғарыш өнеркәсібі министрлігінде, Экология, геология және табиғи ресурстар министрлігінде, Жоғарғы Сот, Қаржы және Білім және ғылым министрліктерінде ірі сомалар игерілмеген.

«Қаражат игерілмеуінің негізгі себептері: конкурстық рәсімдер мен шарт жасасуды ұзаққа созу және уақытылы өткізбеу, орындалған жұмыс актілерін ұсынбау, карантиндік шектеулерге байланысты тауарларды жеткізбеу, нақты көрсетілген қызметтер көлемі, орындалған жұмыстар үшін ақы төлеу және республикалық бюджеттің қолма-қол ақшаны бақылау шотындағы қаражаттың жеткіліксіздігі», — деп түсіндірді Е. Жамаубаев.

Жергілікті бюджеттердің шығыстары 4,9 трлн теңгені құрады. Мұнда 80 млрд теңге атқарылмаған. «Биыл өңірлерге 2,3 трлн теңге сомасында нысаналы трансферттер көзделген. Алдын ала мәліметтер бойынша оларға 1 қыркүйекке 1,4 трлн теңге бөлінді. Оның ішінде 97,9% игерілген, 29 млрд теңге атқарылмаған. Оның ішінде 7 млрд теңге үнемделді, 22 млрд теңге игерілмеді. Әсіресе Қарағанды, Батыс Қазақстан, Ақтөбе, Қызылорда және Ақмола облыстарында қаражаттың игерілмеуі байқалады», — деді Қаржы министрі.

Тегтер: қаржы қаражат игермеу министр әкім бюджет мәлімет Үкімет

ҰҚСАС ЖАҢАЛЫҚТАР

Сайт әкімшілігі 09:19
Үш қалада ауа сапасы нашарлайды
Сайт әкімшілігі 09:05
Талапты сақтамаған. Нұр-Сұлтанда бірқатар құрылыс компанияларының жұмысы тоқтады
Сайт әкімшілігі 09.04.2021, 15:36
Қазақстанда жанармай қымбаттады
Айтбала СҮЛЕЙМЕНҚЫЗЫ 08.04.2021, 09:17
Аспаннан төгілген аждаhаға қашан тоқтау болады?
Сайт әкімшілігі 06.04.2021, 10:22
Михаил Ломтадзе тағы да Қазақстандағы үздік басшы атанды
Сайт әкімшілігі 05.04.2021, 11:42
Шегірткемен күресуге республикалық бюджеттен 2 миллиард теңге қарастырылды

Аңдатпа


  • Жылқы бағып, мотоцикл мінген әзиз әжелер
    08.04.2021, 14:24
  • Ашынғаннан шыққан ащы дауыс
    09.04.2021, 09:03
  • Семейде 170 жаңа автобустың 70-і жүруге жарамай тұр
    08.04.2021, 09:08
  • Қонаевқа неге соқтыға береміз? Досановтың романы: қайран тіл, қайран сөз
    06.04.2021, 09:16
  • «Көзіңді құртып жіберемін»
    05.04.2021, 16:19