Тұтынушылардың құқығы өз деңгейінде қорғалуда

Еркежан Арын

18.06.2021, 09:49

1588

        Биылғы бірінші тоқсанда Тұтынушылардың құқықтарын қорғау комитетіне 6000-ға жуық шағым түскен көрінеді. Тұтынушылардан түсетін шағымдардың негізгі легі шағын және микро кәсіпкерліктің жосықсыз кәсіпкерлерінің үлесіне тиді. Осының негізінде комитеттің аймақтық департаменттері айыппұл түріндегі жазаға тартылған және ескерту алған кәсіпкерлерге жоспардан тыс 23 тексеру жүргізді.

       Белгілі болғандай, тұтынушылардың құқықтарын қорғау департаментіне түскен шағымдардың басым бөлігі тамақ өнімдеріне қатысты екен. Тұтынушылардың құқықтарын қорғау департаменті басшысының орынбасары Вахит Сейдуалиевтың айтуынша, соңғы бір жыл ішінде қоғамдық бірлестіктерге келіп түскен өтініштер саны 662-ні құрайды. Зерттеулер жүргізілді, соның ішінде 89 стандартты емес үлгілер анықталды, сондай-ақ тамақ өнімдерін таңбалау және өнім құрамында нитраттардың болуына қатысты шағым басым.

— Аталған заңбұзушылық фактілері тұтынушылардың құқығын қорғау комитетінің аумақтық органдарының тиімді шаралар қабылдамауымен байланысты. Қазақстан Республикасының «Тұтынушылардың құқықтарын қорғау туралы» заңына өзгерістер мен толықтырулар қабылдауды тездету қажет, – дейді маман.

        Осы жылдың бірінші тоқсанында бөлім шағымдардың жалпы санының 958-ін қанағаттандырды, тиісті органдарға бағытталған іс саны – 313. Екі мыңға жуық адам қолданыстағы заңнамаға сәйкес, түсініктеме алды. Қабылданған шаралар шеңберінде қазақстандық тұтынушыларға 23 миллионнан астам теңге қайтарылды.

       Тұтынушылардың құқықтарын қорғау жүйесі бірқатар маңызды реформалардан өтіп жатқанын атап өткен жөн. Себебі қолданыстағы құқықтық нормалар ескіріп, тұтынушылардың құқықтарын бұзу саны едәуір өсті. Бұған 2020 жылдың қорытындылары дәлел, оның барысында комитетке және оның аумақтық органдарына 20 919 шағым түскен болатын, бұл 2019 жылдың сәйкес кезеңімен салыстырғанда 3,5 есе көп.

       Көбінесе қазақстандықтар көлік қызметтерінің сапасыздығына шағымданады. Бұдан әрі бұл жағымсыз рейтингте бөлшек сауда, тұрмыстық және туристік қызметтер тұр. Электрондық сауда, байланыс, тұрғын үй-коммуналдық шаруашылық, қаржы, қоғамдық тамақтану, медицина және басқа да салалардағы қызмет халықтың ашу-ызасынан қалыс қалған жоқ.

Өткен жылдың соңында комитет 7380 шағымды қанағаттандырды, салалық мемлекеттік органдарға 3863 шағымды қайта бағыттады, 9577 арыз бойынша түсініктеме берді. Қабылданған шаралар аясында сот арқылы тұтынушыларға 249 миллион теңгеден астам қаражат қайтарылды.

       Айтпақшы, өткен жылы департамент бөлімшесінің комитеттері соңғы алты жылда алғаш рет соттарда тұтынушылардың шексіз тобының құқықтарын қорғау тәжірибесін қайта бастады. Бір жыл ішінде Bek Air компаниясына қарсы сотта төрт ұжымдық іс қозғалды. Комитет 1740 адамның мүддесін қорғады. Талаптардың жалпы сомасы 106,7 млн теңгені құрады. Сонымен бірге талаптарды бірінші және екінші сатыдағы соттар қанағаттандырып, шешімдер заңды күшіне енді.

     Сондай-ақ Батыс Қазақстан облысы тұтынушылардың құқықтарын қорғау департаментінің «Самер» ЖШС-іне қатысты ұжымдық сот ісі толықтай қанағаттандырылды. Іс сапасыз жиһаз өндірісі үшін 12 тұтынушыға 1,7 миллион теңге көлеміндегі қаражатты өтеу мәселесіне қатысты болған-ды.

Тегтер: экономика инвестиция кедейлік шегі халық нарық

ҰҚСАС ЖАҢАЛЫҚТАР

Еркежан АРЫН 29.07.2021, 17:20
Сүт өнімдерін цифрлық таңбалау өзекті
Қарлығаш ЗАРЫҚҚАНҚЫЗЫ 29.07.2021, 08:48
Қорды сақтай алмаған Үкімет Қор болмақ
Еркежан АРЫН 27.07.2021, 11:40
Қазақстан суды көрші мемлекеттермен бөлісу мәселелерін қалай шешеді?
Қарлығаш ЗАРЫҚҚАНҚЫЗЫ 22.07.2021, 08:57
80 триллион? Көк тиыны жоқ Келімбетов қиялдап жүр
Қарлығаш ЗАРЫҚҚАНҚЫЗЫ 21.07.2021, 13:38
Қазақтың мұнайы алпауыттардың ғана бағы ма?
Айтбала СҮЛЕЙМЕНҚЫЗЫ 21.07.2021, 08:43
Қазақ ауылының кежегесі неге кері тартып тұр?

Аңдатпа


  • «Жас Алаш» газетінің мерейтойына орай бильярдтан турнир өтті
    12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58
  • Ташкенттен «Жас Алаш» газетінің түпнұсқасы табылды (видео)
    07.07.2021, 13:15