Жамбылда жеті ауданда егін орағы аяқталды

15.08.2019, 15:35

7

Жамбыл облысында биыл 333 мың 526 гектар жерге егінегілген болса, қазіргі таңда оның 328 мың 493 гектар жері орылып үлгерді. Текөңірдегі таулы аймақтардың жекелеген шаруашылықтарында ғана егін орағы жалғасыпжатыр. 

Ал өңірдегі дәнді-дақылдаралқабының да 90 пайыздан астамы орылып біткен. Бұл ретте масақтыдәнді-дақылдарды ору науқанын алғашқы болып Байзақ ауданының дала еңбеккерлеріаяқтапты. Байзақтықтар 13 мың 836 гектар жерге ақ егіс егіп, жауаптынауқанға аса жауапкерлішілікпен қараған жергілікті механизаторлар әр гектардан23,1 центнерден өнім жинаған. Аудан көрсеткішін өрге сүйрегендердің бірі — Талаптышаруа қожалығы. Олар 600 гектар жерге еккен өнімдерін шашпай-төкпей қамбаларынақұйып алыпты.

Байзақтықтарданбасқа, Қордай, Меркі, Мойынқұм, Т. Рысқұлов, Талас және Жамбыл аудандарында даақ егістік толық орылып біткен. Енді Жуалы, Сарысу және шулық шаруалар бір«әуп» десе, Әулиеатада егін орағы аяқталмақ. 

Ал Т.Рысқұлов ауданындағы «Береке-20»ЖШС 800 гектарға егін егіпті.

 – Халқымыз «Диқанның қазынасы – жер» деп бекерге айтпағанғой. Серіктестікке қарасты 5747 гектар жердің 1400 гектары егістік. Биыл бізсоның 800 гектарына егін ектік. Қалған 600 гектарын пар айдап, келер жылдыңөніміне дайындап қойдық. Арпа орта есеппен гектарына 15центнерден айналды. Бидай гектарына20 центнерден айналып жатыр. «Еге білсең егін тасқа да бітеді» деген халықданалығын қаперде ұстап, агротехникалық шараларды әлі де жетілдіре түсудікөздеп отырмыз,- дейді серіктестік басшысы МақсатСартаев.

«Егініне қарай қырманы, күтіміне қарай түсімі» демей ме, қырманға қазіргі таңда 500 тоннадай арпа-бидай құйылыпты. Мақсат Әсәділдаұлы2007 жылы 96 үйдің жер үлесі­мен құрылған осынау серіктестікті Мелдебек Қазбековдеген азаматтан 2014 жылы қабылдап алыпты.

Жамбыл облысыәкімдігі ауыл шаруашылығы басқармасының баспасөз хатшысы Тұңғыш Тынысбекұлыберген мәліметке жүгінсек, облыс бойынша  орта есеппен әр гектардан 22,7 центнерден егінтүсіп, бүгінгі күні қамбаларға 746 мың 703 тонна астық жиналған. Ел ырзығы егінжинауға 5 мыңнан астам түрлі техникалар жұмылдырылса, орақ науқанына 782комбайн қатысыпты. Енді дала еңбеккерлерінің алдында майлы дақылдарды жинауміндеті тұр.

Бұлретте Жамбыл облыстық ауыл шаруашылығы басқармасы басшысының орынбасары ЕрланҚұлкеев өңірде 56 мың гектарға майлы дақыл себілгенін атап өтіп, шаруалар ақегісті ору науқанын аяқтаған соң пісіп, дайын тұрған мақсары өнімдерін жинаужұмыстары басталатынын жеткізді. 

Қазір өнімді жинапалған аудандарда күздік егінге дайындық жұмыстары да қызу жүріп жатыр.

Фото: 24.kz

Тегтер:

ҰҚСАС ЖАҢАЛЫҚТАР

Сайт әкімшілігі 18.09.2020, 10:05
Tengri Bank лицензиясынан айырылды
Қарлығаш Зарыққанқызы 17.09.2020, 09:14
Ресейдің доллардан арылуға асығуы нені аңғартады?
Қарлығаш Зарыққанқызы 15.09.2020, 10:51
Халық арзан баспанамен қашан қамтылады?
Сайт әкімшілігі 14.09.2020, 15:37
Қазақстандықтар айдың соңына дейін жер мен мүлік салығын төлеу керек
Әділ АҚЫЛБАЙ 11.09.2020, 09:29
е-learning 30 млрд теңгені жұтып қойды. Нәтиже қайда?
Қарлығаш Зарыққанқызы 10.09.2020, 11:07
Мемлекетке телмірген банктерді қандай тәуекелдер күтіп тұр?

Аңдатпа


  • 100 жастағы әжей пневмониядан жазылып шықты
    20.09.2020, 14:39
  • Көлік кептелісінен құтылар күн бар ма?
    18.09.2020, 14:27
  • Емханаға тіркелу науқаны басталды
    18.09.2020, 14:13
  • Мегаполистің білім саласы автоматтандырылды
    20.09.2020, 13:46
  • Интернетте балаларға қауіпті тағы бір ойын пайда болды
    20.09.2020, 13:34