Жекеменшік қонақ үй неге бюджет қаражатына салынуы керек?

Айжан БҮРКІТБАЕВА

11.12.2020, 15:56

5142

Мәдениет және спорт министрлігі «Turkistan Silk Way Harbor»   компаниясының «Керуен-Сарай» көпфункционалды туристік кешенінің құрылысын қаржыландыру үшін бюджеттен 10 млрд теңге сомасында қаржы бөлмек. Бұл «Бәйтерек» ұлттық басқарушы холдингі» акционерлік қоғамының кредиттік шарттары бойынша жүзеге асады. Несие 20 жылға 0,1 пайыздың үстемемен үлестірілмек. Ал 20 жылдан кейін теңге 20 рет девальвацияға ұшырап, қадірінен қағылуы да ғажап емес-ті.

Мемлекеттен «мәрттік» көрген компания бюджеттің қаржысына базар мен үлкен қонақ үй тұрғызбақ. «Бұл кешен Түркістан қаласына туристік ағынды ұлғайтуға ықпалдасады» дегенді алға тартқан мәдениет және спорт министрлігі «коронавируспен күреске мемлекеттің қауқары әзер жетіп жатқанда туристік саланы дамытамыз» деп дамылдағаны «сасқан үйрек артымен жүзеді» дегенді ескі түсіреді. Бақуатты жылдары туристік саланы түгендемеген министрлік індеттен шекаралар шектелгенде келушілер санын көбейтеміз деу бос далбасалық емес пе? «Қаржыны үнемдеу керек» деп дабыл қаққан Президенттің сөзін мақұлдап отырған биліктің көрінісін неге байқай алмай отырмыз?!

Бұл туралы экономист Сержан Айтбай былай деп пікір білдірді:

«Түркістанға өткен жылдан бастан милиардтаған қаржы құйылып жатыр. Мысалы, 2019 жылы «Керуен сарай» көпфунционалды кешініне 39 млрд теңге жұмалған.  Кейін Жабық базардан, тарихи шығыс базарынан, фудкорттан, ойын-сауық аймағынан, рекреациялық аймақтан және этникалық стилдегі қонақүйден тұратын «Керуен сарай» көпбейінді туристік кешенінің құрылысы үшін 83 млрд теңге көлемінде инвестиция құйылды. Түркістанның халықаралық әуежайы барлық нысандарымен, әуе көліктерінің тұрақтарымен, ұшу жолақтарымен, халықаралық стандарттар талап ететін қаптаған құрылғыларына 78,8 млрд теңге тартылды. Биыл еліміз коронавируспен арпалысып жатқанда туристік саланы кейінге ығыстырған жөн болар еді», – дейді экономист.  

Тегтер: бюджет жоба халық пікір пайым ұсыныс талап

ҰҚСАС ЖАҢАЛЫҚТАР

Еркежан АРЫН 16.10.2021, 16:24
Қазақстандағы электрондық сауданың даму қарқыны жоғары
Айнұр ӘЛИ 14.10.2021, 13:00
Жалдамалы жұмыс жарылқай ма?
Қарлығаш ЗАРЫҚҚАНҚЫЗЫ 14.10.2021, 09:00
Зейнетке шығу бір арман
Қарлығаш ЗАРЫҚҚАНҚЫЗЫ 12.10.2021, 09:12
Ау, үкімет! Енді нан таппай қалмаймыз ба?!
Айтбала СҮЛЕЙМЕНҚЫЗЫ 08.10.2021, 17:08
Қарағандыдағы квазимемлекеттік сектор сыбайлас жемқорлықты алдын алуға кірісті
Сайт әкімшілігі 08.10.2021, 15:05
Рейтингі төмен мәслихат депутаттарын ротация күтіп тұр - Байбек Шымкентте

Аңдатпа


  • Гүлшара Әбдіқалықова «Жас Алаштың» тілшісімен кездесті
    05.10.2021, 11:21
  • Ұлт құндылығының ұлағаты
    14.09.2021, 12:30
  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29