Оралдағы прокуратура алдында өз-өзін өртеген белсенді жансақтау бөлімінен палатаға шықты

24.06.2020, 18:34

95

Орал қаласындағы прокуратура ғимаратының алдында өз-өзін өртеген белсенді Данияр Инжиғалиев жансақтау бөлімінен палатаға шықты. 32 жастағы белсенді қазір облыстық ауруханада жатқанын айтты.

— Денсаулығым жаман емес. Жансақтау бөлімінен палатаға шығарды. Дәрігерлер ауруханадан шығатыным жайлы ештеңе айтпады, — деді ол Азаттыққа.

Денсаулық сақтау басқармасы Инжиғалиевтің жағдайы «орташа ауыр» деді. Дәрігерлер оның өз бетімен қозғалып, ас ішіп жатқанын айтты.

Инжиғалиев 10 маусымда прокуратура алдында өз-өзін бензинмен өртеп, ауруханаға түскен. Ол өзіне қарсы «Алаяқтық» бабы бойынша қозғалған іске қатысты прокурормен тілдесе алмай жүргенін айтып, наразылық білдірген.

— Мен кінәсізбін. Олардың (биліктің — ред.) мақсаты — мені жеті жылға қамап я үш жылға үйқамаққа алып, аузымды жабу, — деген еді Инжиғалиев наразылық кезінде.

Белсенді өз-өзін өртегеннен кейін прокуратура тарапынан ешқандай мәлімдеме жасалмады. Ал Орал қалалық соты наразылықтан бір күн өткенде белсенді үстінен қозғалған іс бойынша процесті бастаған.

Бұған қоса, полиция департаменті "Өз-өзіне қол салуға итермелеу" бабы бойынша қылмыстық іс қозғалғанын хабарлады. Полиция іс кімге қозғалғанын айтпады.

Тегтер:

ҰҚСАС ЖАҢАЛЫҚТАР

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58