АҚШ қаржы министрлігі Amazon компаниясына Қырымға тауар жеткізгені үшін айыппұл салды

09.07.2020, 21:00

119

АҚШ қаржы министрлігі Иранға, Сирияға және Қырымды аннексиялаған Ресейге қатысты санкцияларды бұзғаны үшін Amazon компаниясына айыппұл салды.

Министрлік мәлімдемесінде Халықаралық активтерді бақылау жөніндегі басқарманың (Office of Foreign Assets Control, OFAC) шешімінде қарастырылған санкцияларды бұзғаны үшін компанияға 134,5 мың доллар айыппұл салынғаны жазылған. Мекеме хабарламасына сәйкес, Amazon санкция салынған тұлғаларға және Қырымда, Сирияда және Иранда жүрген азаматтарға тауар жеткізіп, қызмет көрсеткен деп айыпталды.

Қаржы министрлігінің дерегінше, Қырым, Сирия және Ирандағы азаматтар 2011 жылдың қарашасынан 2018 жылдың қазанына дейін Amazon сайты арқылы тапсырыс жасаған, қызмет көрсету және тауар жеткізу кәсібімен айналысқан.

OFAC мәліметінше, Amazon клиенттерінің мекенжайы мен аты-жөнін санкция ережесіне сай тексермеген. Ал Иранда компания тауарды елдің өзіне емес, оның өзге елдердегі елшіліктеріне жеткізген.

Amazon кінәсін мойындап, айыппұлды төлеуге келісті.

  • 2014 жылдың желтоқсанында қабылданған санкцияға сәйкес, АҚШ қаржы министрлігі Ресей аннексиялаған Қырымда жұмыс істейтін компаниялар мен тұлғаларға қатысты шектеу қоя алады. АҚШ компанияларына
  • Қырым түбегінен тауар мен қызмет алуға не жеткізуге тыйым салынған.
  • Ресей Қырымды 2014 жылы аннексиялады. Киев және батыс елдері осы әрекеті үшін халықаралық құқық нормаларын бұзды деп Ресейге қарсы санкциялар салды. Олардың мерзімі бірнеше рет ұзартылған. Ресми Мәскеу түбекті тіркеп алуын «тарихи әділеттің қалпына келуі» деп атайды.
  • 2019 жылы табысы 280 миллиард доллардан асқан Amazon — интернет-саудамен айналысатын ең ірі компаниялардың бірі. Ал оның басшысы Джефф Безос — әлемдегі ең бай адамдардың бірі.
Тегтер:

ҰҚСАС ЖАҢАЛЫҚТАР

Аңдатпа


  • «Жас Алаштың» 100 жылдығы Жамбылда жалғасты
    03.08.2021, 11:01
  • «Жас Алаш» газетінің мерейтойына орай бильярдтан турнир өтті
    30.07.2021, 12:31
  • "Жас Алаштың" 100 жылдығына орай Таразда бильярдтан турнир өтуде
    29.07.2021, 12:29
  • "Жас Алаштың" 100 жылдығына орай ұйымдастырылған бильярд турнирі тартысты өтті
    14.03.2021, 11:39
  • «Жас алаштағы» жасын жылдар
    15.07.2021, 10:58