Алаш Орда үкіметі құрылуының 104 жылдығы атап өтілді

Сайт әкімшілігі

17.12.2021, 11:11

2278

       Қазақстан Республикасының тарихи күн деректерінде 1917 жылдың 12 желтоқсан күні Әлихан Бөкейханов бабамыздың төрағалығымен Алаш Орда үкіметі құрылды делінген.

       1920 жылы Әлихан Бөкейханов, Әлімхан Ермеков бастаған алаштықтар Қазақ Советтік Социалистік Республикасының шекарасын бекіткен болатын. Қазақ елі шекарасының бекітілуіне 100 жыл толуына орай, «ПҚ» Желтоқсан ақиқаты» РҚБ негізін қалаушы, бірінші төраға болған Бейсенғазы Сәдуұлы өз қаражатымен Алматы облысының Талғар ауданы Тұздыбастау ауылына «Алаш Орда» монументін тұрғызған еді.

        Биыл да желтоқсан айының 12-сі күні «Алаш Орда» монументіне гүл шоғын қою рәсімі болып өтті. Арнайы іс-шарамызға қоғамдық бірлестіктер шақырылды. Ақордадан ат терлетіп келген «Ақ жол» ХДП төраға орынбасары Қазыбек Иса және «Әділет» қоғамдық бірлестігінің төрағасы Ғарифолла Әнес мырзалар қатысты.

         Сөз алған парламент мәжілісінің депутаты Қазыбек Иса: «Қазақ парламенті тарихында алғаш рет «Ақ жол» партиясының саяси бағдарламасында Алашқа басым бағыт беріліп, «Алаш идеясы – ұлттық идеямыз» деп атап көрсетілді», – дей келе, осы іс-шараны ұйымдастырушылардың еңбектерін жоғары бағалап, көпшілік алдында Бейсенғазы ағамыздың кеудесіне «Алаш» медалін тақты.

      Өз кезегінде Бейсенғазы Сәдуұлы «ақжолдықтардың» төрағасы Азат  Перуашевқа үлкен алғысын айта келе, «Алаш Орда» монументінің жанында тұрып «Алаш» медалімен марапатталу мен үшін үлкен мәртебе», – деді.

      Шара соңында қатысушыларды «Алаш бабаларымыздың аңсап өткен  Тәуелсіздік күні қарсаңында Алматы облысының Талғар қаласында ашылатын «Желтоқсан-86» ескерткішінің ашылу салтанатына шақырды.

     «Желтоқсан-86» ескерткішін де Бейсенғазы Сәдуұлы және «Желтоқсан-Алматы» ҚБ төрағасы Серікбек Жандыбай, Майхарина Шолпан, Қашкенов Жігер, Тоқсейітова Сапура, Оспанбаева Бақытгүл, Байболов Ермек сынды азаматтар өз қаражаттарына тұрғызған.

Сапура Тоқсейітова,

«Желтоқсан-Алматы» ҚБ Түрксіб аудандық филиалының жетекшісі,

Желтоқсан көтерілісінің ардагері

Тегтер: Тәуелсіздік шара мереке Егемен ел

ҰҚСАС ЖАҢАЛЫҚТАР

Сайт әкімшілігі 15:51
Қазақстанда оқу жылы 31 мамырға дейін ұзаруы мүмкін
Сайт әкімшілігі 09:12
«Мектепке жол». Атырауда бірінші сынып оқушысына 10-сынып оқушысының формасы берілген
Сайт әкімшілігі 08:58
"Төбесі құлап жатыр". Талғарда 3 миллиард теңгеге салынған мектеп төңірегінде дау туды
Сайт әкімшілігі 12.08.2022, 18:21
Синоптиктер алдағы күндерге арналған ауа райы болжамын жариялады
Сайт әкімшілігі 12.08.2022, 17:42
Қорғаныc министрлігі әскерде жұмыс істеген қыздың айыптауларына жауап берді
Сайт әкімшілігі 12.08.2022, 14:38
Әлемдегі ең қымбат дәріні еккен қазақстандық бала көз жұмды

Аңдатпа


  • "Төбесі құлап жатыр". Талғарда 3 миллиард теңгеге салынған мектеп төңірегінде дау туды
    08:58
  • Қасақана өртеді: Тараздағы әскери бөлімдегі жарылысқа қатысты тың дерек шықты
    12.08.2022, 08:47
  • «Үйдің жыртығын жамау мүмкін емес»: Елордада 50 жыл болған жатақхана құлағалы тұр
    11.08.2022, 09:04
  • Смайыловтың Президентке ұсынған болжамы дөп келе ме?
    10.08.2022, 09:37
  • «ЭКСПО-2017»: Миллиардттарға салынған мақтаулы нысандар су астында қалды
    09.08.2022, 08:49